Eaha to roto?

Tapura tumu parau

 ORARAA KERISETIANO

A haamana‘o i te vahine a Lota

A haamana‘o i te vahine a Lota

No te aha te vahine a Lota i hi‘o ai i muri a horo ê ai ia Sodoma? Aita te Bibilia e pahono ra. (Ge 19:17, 26) Te faaite nei te irava hou ta Iesu faaararaa e ua hinaaro te vahine a Lota i te mau mea ta ’na i vaiiho. (Lu 17:31, 32) E nafea tatou e ape ai i te haa mai te vahine a Lota tei ere i to Iehova farii maitai? Eiaha e vaiiho i te imiraa i te oraraa fana‘o ia riro ei mea faufaa roa i roto i to tatou oraraa. (Mt 6:33) Ua haapii atu Iesu “e ore e tia ia [tatou] ia tavini i te Atua e te moni.” (Mt 6:24) E nafea râ tatou mai te peu te haamata ra te imiraa i te tao‘a materia i te haafariu ê ia tatou i te mau ohipa pae varua? Na roto i te pure, a ani ia Iehova i te haro‘aro‘a no te taa eaha te mau tauiraa e titauhia ia rave. Oia atoa i te itoito e te puai no te na reira.

A HAAMANA‘O NA I TE VIDEO E TORU TUHAA A HAAMANA‘O I TE VAHINE A LOTA (FARANI) E A PAHONO NA I TO MURI NEI MAU UIRAA:

  • Maoti ta ’u mau ohipa, e nafea vau e faaite ai e te ‘haamana‘o ra vau i te vahine a Lota’?

    Nafea te onoonoraa a vetahi ê ia monihia o Gloria i ohipa ’i i nia i to ’na huru feruriraa e paraparauraa e i nia i ta ’na mau ohipa?

  • No te aha te hi‘oraa o te vahine a Lota i riro ai ei faaararaa no tatou i teie mahana?

  • Nafea te faaohiparaa i te mau aratairaa Bibilia i tauturu ai ia Joe e to ’na utuafare?

  • E nafea to Anna mau hoa i ohipa ’i i nia i to ’na auhoaraa e o Iehova?

  • No te aha e titauhia te itoito i mua i te faateimaharaa ia riro te moni ei ohipa faufaa roa i roto i te oraraa?

  • Nafea o Brian raua Gloria i faariro faahou ai i te auhoaraa e o Iehova ei ohipa faufaa roa i roto i to raua oraraa?

  • No oe, eaha te mau aratairaa Bibilia te matara mai ra i roto i teie video?