Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

E nehenehe to utuafare e oaoa

 TUHAA 6

E nafea te oraraa e taui ai ia tamariihia orua?

E nafea te oraraa e taui ai ia tamariihia orua?

‘Te tamarii ra, e tufaa ïa no ǒ mai ia Iehova.’—Salamo 127:3

E nehenehe te fanauraa o te hoê aiû e faaoaoa e e faarohirohi atoa râ i na hoa faaipoipo. Ei metua apî, e maere paha oe i te ite i te rahiraa o to oe taime e puai, no te haapao noa ïa i ta orua pêpe. E nehenehe to orua taairaa e fifi no te mâha ore o te taoto e no te mea e tauiui hanoa to oe huru. E titauhia ia faatano oe e to hoa i to orua oraraa no te haapao i te aiû e i to orua taairaa. E nafea te a‘oraa Bibilia e tauturu atu ai ia faaruru i teie mau fifi?

 1 E TAUI TE AIÛ I TO ORUA ORARAA

TA TE BIBILIA E PARAU RA: “E faaoromairaa roa to te aroha [aore ra here], e te hamani maitai.” Eita atoa “e imi i te maitai no ’na iho, eita e riri vave.” (Korinetia 1, 13:4, 5) Ei metua vahine apî, e haapao iho â oe na mua i ta oe aiû. Tera râ, e haamata paha ta oe tane i te mana‘o e aita o ’na e tâu‘ahia ra. A haamana‘o ïa i te faaite atoa ia ’na i to here. Ma te faaoromai e te hamani maitai, e nehenehe e haapapu ia ’na e mea faufaa o ’na e te hinaaro atoa ra oe ia haapao o ’na i ta orua aiû.

“E te mau tane, e parahi ia ratou ra ma te ite.” (Petero 1, 3:7) Te faaitoito ra ta oe vahine i te haapao i te aiû. Te haapeapea ra, te rohirohi ra aore ra hepohepo ra no tera hopoia apî. I te tahi taime, e riri atoa paha ia oe. A vai hau noa râ no te mea “tei ore e ru i te riri ra e maitai rahi to ’na i to te feia puai.” (Maseli 16:32) A faaite i te paari e a tauturu ia ’na.—Maseli 14:29.

TA OE E NEHENEHE E RAVE:

  • Te metua tane: A tauturu i ta oe vahine ia haapao i te aiû, oia atoa i te po. Ia rahi a‘e te taime ta oe e faataa no ta oe vahine e aiû i ta oe e rave no te tahi atu mau ohipa

  • Te metua vahine: A farii ia tauturu atu ta oe tane ia haapao i te aiû. Eiaha e faahapa ’tu ia ore oia e rave maitai i te tahi ohipa, a faaite râ e nafea ia rave i te reira

 2 IA VAI PIRI NOA ORUA

TA TE BIBILIA E PARAU RA: “E riro hoi raua ei hoê.” (Genese 2:24) Noa ’tu e e melo apî to roto i te utuafare, a haamana‘o e ua “hoê” orua. A tutava mau ïa i te vai piri noa e to hoa faaipoipo.

E te mau vahine, a mauruuru i te tauturu e te aupuru a ta outou tane. E riro ta outou mau parau haamauruuru ei “raau rapaau ma‘i” no ratou. (Maseli 12:18) E te mau tane, a faaite i ta outou vahine e te here ra outou ia ratou e e mea faufaa atoa hoi. A haapopou atu no ta ’na e rave ra no te aupuru i te utuafare.—Maseli 31:10, 28.

“Eiaha roa ei taata e imi i to ’na ana‘e iho maitai, e imi râ te taata atoa i te maitai o vetahi ê atoa.” (Korinetia 1, 10:24) A rave noa i te mea e maitai ai to hoa. Ei tane e vahine faaipoipo, a faataa i te taime no te tauaparau, haapopou e no te faaroo i te tahi e te tahi. A feruri e a haapao i te mau hinaaro o to hoa no nia i te taatiraa pae tino. Te na ô ra te Bibilia: “Eiaha orua e faataa ia orua iho, maori râ . . . ia tia ia orua.” (Korinetia 1, 7:3-5) Eiaha e taiâ i te tauaparau no nia i tera tumu parau orua ana‘e. Ma te faaoromai e ma te haapao i te tahi e te tahi, e piri atu â orua.

TA OE E NEHENEHE E RAVE:

  • A faataa i te taime no orua ana‘e

  • A rave i te tahi mau ohipa iti ia ite to hoa e te here ra oe ia ’na, mai te papairaa i te tahi poroi tapao o to here aore ra te horoaraa ’tu i te hoê ô

 3 A HAAPII I TA ORUA AIÛ

TA TE BIBILIA E PARAU RA: “Mai to tamarii-rii-raa mai â to oe ite i te parau mo‘a i papaihia ra, o te parau ïa e paari ai oe e tae noa ’tu i te ora.” (Timoteo 2, 3:15) A faaoti oioi eaha te haapii i ta orua aiû. Noa ’tu e aita â o ’na i fanauhia, ma te faahiahia e nehenehe ta ’na e haapii. E tia hoi ia ’na ia taa i to oe reo e huru a hautiuti ai i roto i te opu. Noa ’tu e e tamariirii noa â oia, a taio atu i te aamu, eita paha o ’na e taa, a paari ai râ, e au roa paha oia i te taio.

Aita e faataaraa i te matahiti no te tauaparau i te tamarii no nia i te Atua, a pure ïa ia faaroo oia i ta oe e parau ra ia Iehova. (Deuteronomi 11:19) A paraparau no nia i te mau mea ta te Atua i poiete a hauti ai e te aiû. (Salamo 78:3, 4) A paari noa ’i, e taa ia ’na i to oe here ia Iehova e e haapii oia i te na reira atoa.

TA OE E NEHENEHE E RAVE:

  • A ani na roto i te pure i te paari no te haapii i ta oe aiû

  • A faahiti pinepine i te tahi mau parau e mana‘o i ta oe aiû ia haapii oioi oia

No te ite atu â

Ia aha oe ia tâu‘a ta oe tamarii ia vetahi ê?

A hi‘o e toru ravea o te tauturu ia oe ia ore ta oe tamarii ia haapao noa ia ratou.

E nafea ia riro ei metua tane maitai?

A hi‘o e pae faaueraa Bibilia o te tauturu atu ia riro ei metua tane maitai e î i te here