Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

E nehenehe to utuafare e oaoa

 TUHAA 2

Eiaha e taiva i to hoa faaipoipo

Eiaha e taiva i to hoa faaipoipo

“Ta te Atua i taati râ, eiaha te taata e faataa ê atu.”—Mareko 10:9

Te faaitoito maira o Iehova ia ‘hinaaro i te aroha [aore ra here taiva ore].’ (Mika 6:8) Mea faufaa roa iho â te reira i roto i te faaipoiporaa. Ia taiva hoê, eita te tahi atu e tiaturi faahou ia ’na e e iti ïa to raua here.

Te iti noa ’tura te hoa faaipoipo taiva ore i teie mahana. Ia oaoa noa orua i te faaipoiporaa, e mea tia ia faaoti papu e haapao i na mana‘o e piti i muri nei.

 1 NA MUA ROA TO ORUA FAAIPOIPORAA

TA TE BIBILIA E PARAU RA: “Ia au atu hoi outou i te mau mea i hau i te maitai.” (Philipi 1:10) No oe, mea faufaa roa anei to orua faaipoiporaa? A haafaufaa ïa i te reira na mua roa.

Te hinaaro ra Iehova ia haapao noa oe i to hoa e ia “oaoa” amui orua. (Koheleta 9:9) Eiaha roa ïa e haafaufaa ore ia ’na, e tia râ ia imi i te ravea ia oaoa orua toopiti. (Korinetia 1, 10:24) A faaite i to hoa faaipoipo e mea faufaa o ’na no oe e te here mau ra oe ia ’na.

TA OE E NEHENEHE E RAVE:

  • A faataa i te taime no orua i te mau mahana atoa e a haapao noa i to hoa faaipoipo

  • A mana‘o ia orua eiaha râ ia oe ana‘e

 2 A TIAI I TO AAU

TA TE BIBILIA E PARAU RA: “O te hi‘o noa ’tu i ta vetahi ê ra vahine ei faatupu i te hinaaro, ua faaturi ïa ia ’na i to ’na ihora aau.” (Mataio 5:28) Ia mana‘o te hoê e rave i te peu faufau, ua taiva ïa oia i to ’na hoa faaipoipo.

Te parau ra Iehova e e titauhia ia “tiai i to aau.” (Maseli 4:23; Ieremia 17:9) No te na reira, e mea tia ia haapao maitai i ta to mata e hi‘o ra. (Mataio 5:29, 30) A pee i te hi‘oraa o te patereareha Ioba tei faaau i te faufaa ia ore to ’na mata e turai ia ’na ia faahinaaro i te tahi atu vahine. (Ioba 31:1) A faaoti papu eiaha roa e mataitai i te hoho‘a faufau e ia faahinaaro i te tahi atu taata i to hoa faaipoipo.

TA OE E NEHENEHE E RAVE:

  • A faaite ia vetahi ê e te here mau ra oe i to hoa faaipoipo

  • A haapao i te huru e te mana‘o o to oe hoa, ia huru ê o ’na i te tahi taata, a faaea oioi i te faahoa ’tu