Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

E nehenehe to utuafare e oaoa

 TUHAA 1

A tiaturi i te Atua no te oaoa e to hoa faaipoipo

A tiaturi i te Atua no te oaoa e to hoa faaipoipo

“O tei hamani i te taata i te matamua ra, i hamani ïa i te tane hoê e te vahine hoê.”—Mataio 19:4

Na Iehova * i faatupu i te faaipoiporaa matamua. Te faaite ra te Bibilia e ua hamani oia i te vahine matamua e ‘ua aratai ia ’na ia Adamu.’ Ua oaoa roa te tane matamua i parau ai oia: “E ivi teie no to ’u nei ivi, e i‘o hoi no to ’u nei i‘o.” (Genese 2:22, 23) Te hinaaro noa ra Iehova ia oaoa te feia faaipoipo.

I mana‘o na paha oe e eita te feia faaipoipo e fifi noa ’‘e, e ere roa ’tu râ mai tera. Noa ’tu e mea here roa na hoa faaipoipo te tahi i te tahi, e faaruru iho â raua i te fifi. (Korinetia 1, 7:28) I roto i teie buka rairai, e ite oe i te mau aratairaa Bibilia o te tauturu atu. Ia haapao oe i te reira, e oaoa orua e to orua utuafare atoa.—Salamo 19:8-11.

 1 A FARII I TE HOPOIA TA IEHOVA I HOROA ’TU

TA TE BIBILIA E PARAU RA: O te tane te upoo o te utuafare.—Ephesia 5:23.

E tane faaipoipo anei oe? Te titau atura Iehova ia aupuru i ta oe vahine. (Petero 1, 3:7) Ua hamani oia ia ’na ei tauturu au no oe e te hinaaro ra ia faatura e ia here oe ia ’na. (Genese 2:18) E itehia te reira ia haapao na mua oe i to ’na mau hinaaro.—Ephesia 5:25-29.

E no oe te vahine faaipoipo, te hinaaro ra Iehova ia faatura mau oe i ta oe tane e ia tauturu ia ’na ia haapao i ta ’na hopoia. (Korinetia 1, 11:3; Ephesia 5:33) A turu atu ïa i ta ’na mau faaotiraa e a haa amui e o ’na. (Kolosa 3:18) Ma te na reira, e vahine nehenehe ïa oe i te aro o to tane e o Iehova atoa.—Petero 1, 3:1-6.

TA OE E NEHENEHE E RAVE:

  • A ani i to hoa faaipoipo e nafea oe e riro ai ei tane aore ra ei vahine maitai a‘e. A faaroo maite e a rave i te nehenehe no te taui

  • A faaoromai, e titauhia hoi te taime ia haapii orua e nafea ia faaoaoa te tahi i te tahi

2 A HAAPAO MAITE I TE MAU HINAARO O TO HOA

TA TE BIBILIA E PARAU RA: E tia ia haapao maite oe i te mau hinaaro o to hoa faaipoipo. (Philipi 2:3, 4) A faaite e mea faufaa o ’na no oe ma te haamana‘o e te titau ra Iehova i ta ’na mau tavini ia faaite ‘i te mǎrû i te taata atoa.’ (Timoteo 2, 2:24) Teie ta te Bibilia e parau ra: “Te taata vavi noa ra, e au ïa i te ‘o‘e patiatia ra; o te arero râ o te taata paari ra, mai te raau rapaau ma‘i ra ïa.” A haapao maitai i ta oe mau parau. (Maseli 12:18) E tauturu atu te varua mo‘a o Iehova ia paraparau ma te mǎrû e ma te here.—Galatia 5:22, 23; Kolosa 4:6.

TA OE E NEHENEHE E RAVE:

  • Hou a tauaparau ai no nia i te tahi ohipa faufaa, a pure no te ore e riri e no te faaroo i to ’na mana‘o

  • A feruri maite i ta oe e parau e e nafea ia parau

 3 A HAA AMUI

TA TE BIBILIA E PARAU RA: I te faaipoiporaa, e riro orua ei “hoê.” (Mataio 19:5) E titauhia râ ia haapii e nafea ia na reira noa no te taa ê o to orua huru e mana‘o. (Philipi 2:2) Mea faufaa roa ’tu â ia hoê orua no te rave i te faaotiraa. Te na ô ra te Bibilia: “Ia rahi te ui [aore ra a‘o] e papu ai tei mana‘ohia.” (Maseli 20:18) A vaiiho i te mau aratairaa Bibilia ia tauturu ia orua ia rave amui i te faaotiraa faufaa mau.—Maseli 8:32, 33.

TA OE E NEHENEHE E RAVE:

  • A faaite i to hoa eaha to oe huru, eiaha noa râ i ta oe i ite aore ra e mana‘o ra

  • A ani i te mana‘o o to hoa hou a rave ai i te faaotiraa

^ par. 4 O Iehova te i‘oa o te Atua mai tei faaitehia i roto i te Bibilia.

No te ite atu â

Te mau tane: Nafea ia oaoa to outou utuafare?

E moni paha ta te utuafare, te vai ra râ te tahi atu mea faufaa ’tu â.