Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

O vai te rave nei i to Iehova hinaaro i teie mahana?

 HAAPIIRAA 27

Eaha te faufaa o te vairaa buka a te Piha a te Basileia?

Eaha te faufaa o te vairaa buka a te Piha a te Basileia?

Iseraela

Repupirita Tchèque

Bénin

Motu Caïmans

No te ite atu â i te Bibilia, e hinaaro paha oe e rave i te tahi maimiraa no nia i te hoê irava, taata, vahi aore ra mana‘o i faahitihia i roto i te Bibilia. Ua ui atoa paha oe e e tauturu anei te Parau a te Atua ia oe i roto i te fifi. A haere ïa a hi‘o i te vairaa buka a te Piha a te Basileia.

Ravea maimiraa tano maitai. Peneia‘e aita ta oe te mau papai Bibilia atoa a te mau Ite no Iehova na roto i to oe reo. I te vairaa buka râ a te Piha a te Basileia, te vai ra ïa te rahiraa o te mau papai apî. Oia atoa te mau Bibilia rau, te hoê titionare e tano e te tahi atu mau papai. Na mua ’‘e e ia oti te putuputuraa, a haere atu a hi‘o. Mai te peu e ua tamauhia te tahi roro uira, e vairaa buka atoa to roto parauhia Watchtower Library. Mea rahi roa ta matou mau papai i roto i teie porotarama roro uira. E mea ohie roa ia imi i te hoê tumu parau, ta‘o aore ra irava.

Tauturu i te mau piahi no te putuputuraa Oraraa e taviniraa Kerisetiano. E nehenehe oe e faaohipa maitai i te vairaa buka a te Piha a te Basileia no te faaineine i ta oe mau tumu parau. E haapao te tiaau o te putuputuraa Oraraa e taviniraa Kerisetiano i te vairaa buka, oia hoi mea naho anei e te vai ra te mau papai apî roa. E nehenehe oia aore ra te taata poro e faatere ra i ta oe haapiiraa e faaite atu e nafea ia imi i ta oe e hinaaro. A vaiiho noa râ i te mau buka i te Piha a te Basileia. E aupuru matou i te reira e eita matou e tapaopao i roto.

Te faataa ra te Bibilia e ia ‘noaa mai te ite i te Atua,’ mea faufaa roa ia imi ma te aau tae i te reira “mai te tao‘a hunahia.” (Maseli 2:1-5) E tauturu ïa te vairaa buka a te Piha a te Basileia ia oe ia na reira.

  • Eaha te mau ravea maimiraa i te vairaa buka a te Piha a te Basileia?

  • O vai te nehenehe e tauturu ia oe ia faaohipa maitai i te vairaa buka?