Eaha to roto?

Mau faaho'iraa ê

Tapura tumu parau

Ite no Iehova

Tahiti

O vai te rave nei i to Iehova hinaaro i teie mahana?

 HAAPIIRAA 19

O vai te tavini haapao maitai e te paari?

O vai te tavini haapao maitai e te paari?

Te faufaahia nei matou paatoa i te maa varua

Tau mahana hou to ’na poheraa, ua aparau Iesu i ta ’na na pǐpǐ o Petero, Iakobo, Ioane e Anederea. A tohu ai oia i te tapao o to ’na vairaa mai ei Arii i te anotau hopea, ua tuu oia i teie uiraa faufaa: “O vai hoi te tavini haapao maitai e te paari, ta to ’na ra fatu i faatavana i to ’na utuafare ei hopoi atu i ta ratou maa i te hora mau ra?” (Mataio 24:3, 45; Mareko 13:3, 4) Te haapapu ra te “fatu” Iesu e e faatoroa oia i te feia o te horoa i te maa varua na ta ’na mau pǐpǐ i te anotau hopea. O vai ma ïa?

E pǔpǔ iti ratou ei pǐpǐ faatavaihia na Iesu. O te Tino aratai a te mau Ite no Iehova “te tavini.” Te opere nei ratou i te maa varua i te taime au na to ratou mau taeae e tuahine e haamori ra ia Iehova. E hinaaro mau â matou i teie tavini haapao maitai no te fana‘o noa i ta matou “tufaa maa i te tufaraa mau ra.”—Luka 12:42.

E haapao ratou i te utuafare o te Atua. (Timoteo 1, 3:15) Ua horoa Iesu i te tavini i te hopoia rahi e haapao i te ohipa a te tuhaa o te faanahonahoraa a Iehova i te fenua, te mau faufaa materia anei, te ohipa pororaa e te haapiiraa mai na roto i ta matou mau amuiraa. No te horoa mai i ta matou e hinaaro mau i te taime tano, te opere nei “te tavini haapao maitai e te paari” i te maa varua maoti te mau papai ta matou e faaohipa nei i roto i te taviniraa, ta matou mau putuputuraa e tairururaa.

E tavini haapao maitai i te pue parau mau Bibilia e te hopoia e poro i te evanelia. E tavini paari atoa o te haapao maite i te mau faufaa a te Mesia i te fenua. (Ohipa 10:42) Te haamaitai nei Iehova i ta ratou ohipa. Mea rahi hoi te riro nei ei Ite no ’na e mea rahi te maa varua e operehia nei.—Isaia 60:22; 65:13.

  • O vai ta Iesu i faatoroa no te opere i te maa varua na ta ’na mau pǐpǐ?

  • No te aha e parauhia ’i e e tavini haapao maitai e te paari?

No te ite atu â

TE PARE TIAIRAA—HAAPIIRAA

“O vai hoi te tavini haapao maitai e te paari?”

Te faatano nei teie tumu parau i ta tatou haamaramaramaraa o te tavini haapao maitai e te paari. Hi‘o no te aha to tatou maitai pae varua i taaihia ’i i tera arai.