Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

O vai te rave nei i to Iehova hinaaro i teie mahana?

 HAAPIIRAA 11

No te aha matou e haere ai i te mau tairururaa?

No te aha matou e haere ai i te mau tairururaa?

Mehiko

Heremani

Botswana

Nicaragua

Italia

No te aha e mata oaoa ’i to teie mau taata? Tei te tairururaa ratou. I faaue na te Atua i ta ’na mau tavini i tahito ra ia tairuru e toru taime i te matahiti. Te na reira atoa nei matou ma te tiai ru i te reira. (Deuteronomi 16:16) Te vai ra e piti tairururaa haaati hoê mahana e hoê tairururaa e toru mahana. Eaha te maitai e noaa mai i teie mau tairururaa?

E piri atu â to matou taairaa fetii Kerisetiano. I oaoa na Iseraela i te arue ia Iehova “i roto i te mau amuiraa,” aore ra tairururaa. Te oaoa atoa nei matou i te haamori amui ia ’na i te mau tairururaa. (Salamo 26:12; 111:1) E nehenehe hoi te mau Ite no te tahi atu mau amuiraa, no te mau motu aore ra no te ara e farerei, a faahoa ’tu ai. I te avatea, e tamaa rii matou i te vahi tairururaa, a riro atu ai teie mau taime ei mea au maitai. (Ohipa 2:42) I reira matou e ite ai i te here e tahoê ra i to matou “hui taeae” i te ao nei.—Petero 1, 2:17.

E haere atu â matou i mua i te pae varua. I taa atoa na ia Iseraela te mau Papai tei faataahia ’tu no to ratou maitai. (Nehemia 8:8, 12) Te haafaufaa atoa nei matou i te haapiiraa Bibilia e horoahia mai i ta matou mau tairururaa. E mana‘o tumu Bibilia to te mahana tairururaa taitahi. Maoti te mau oreroraa parau faaitoito, te mau oreroraa parau tatuhaahia e te mau hautiraa i te tahi mau tupuraa i roto i te oraraa o te mau mahana atoa, e ite matou e nafea ia rave i te hinaaro o te Atua. E itoito matou ia faatia mai vetahi i ta ratou i faaruru ei Kerisetiano i teie tau fifi. I te mau tairururaa e toru mahana, e hautihia mai te tahi mau faatiaraa Bibilia o te horoa mai i te tahi mau haapiiraa faufaa. I te mau tairururaa atoa, e bapetizohia te feia tei pûpû ia ratou i te Atua.

  • No te aha e taime oaoa ’i te mau tairururaa?

  • Eaha te maitai e noaa mai ia haere oe i te hoê tairururaa?

No te ite atu â

Video: Tairururaa matahiti a te mau Ite no Iehova

Te tumu e mirioni taata e haere nei i teie rururaa faahiahia. A mataitai i teie video.