Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

O vai te rave nei i to Iehova hinaaro i teie mahana?

 HAAPIIRAA 28

Eaha to nia i ta matou reni Internet?

Eaha to nia i ta matou reni Internet?

Farani

Poronia

Rusia

Ua parau Iesu Mesia i ta ’na mau pǐpǐ: “To outou maramarama, ia anaana ïa i mua i te aro o te taata nei, ia hi‘o ratou i ta outou parau maitai, e ia haamaitai i to outou Metua” i te ra‘i. (Mataio 5:16) No reira matou e faaohipa maitai ai i te mau ravea apî, mai te Internet. Te faataa ra ta matou reni Internet jw.org i te mau tiaturiraa e ohipa a te mau Ite no Iehova. Eaha ’tu â?

Pahonoraa Bibilia i te mau uiraa matauhia. E ite oe i te pahonoraa o te tahi mau uiraa faufaa roa a te taata. Ei hi‘oraa, te vai ra te api parau E ore roa anei te mauiui? e E tia faahou iho â anei te feia pohe? i nia i te reni Internet na roto hau atu i te 600 reo. E ite atoa oe i te Huriraa o te ao apî na roto hau atu i te 130 reo, e te tahi mau buka haapiiraa Bibilia mai te buka Eaha ta te Bibilia e haapii mau ra? e te mau Pare Tiairaa e A ara mai na! apî. E nehenehe oe e taio aore ra e faaroo i te taioraa o te rahiraa o teie mau papai i nia i ta matou reni Internet. E nehenehe atoa e haruharu aore ra e tuu i te reira i roto i ta oe roro uira, niuniu afaifai aore ra matini roro uira afaifai. Oia atoa e nenei i te tahi mau api no te hoê taata e hinaaro na roto i to ’na reo. Te vai ra te mau video na roto e rave rahi reo aparaa rima. E nehenehe oe e rave atoa mai i te mau taioraa Bibilia e au i te darama, te mau darama Bibilia e te mau himene navenave o te Basileia ia hinaaro oe.

Haamaramaramaraa mau no nia i te mau Ite no Iehova. Te vai atoa ra te mau parau apî roa e te mau hoho‘a video no nia i ta matou ohipa na te ao nei, te mau fifi i farereihia e te mau Ite no Iehova, e ta matou mau ohipa tauturu. Te vai atoa ra te mau parau faaara no nia i te mau tairururaa e tupu e te mau haamaramaramaraa no nia i ta matou mau amaa.

Maoti teie mau ravea e anaana ’i te maramarama o te parau mau i te mau vahi atea roa o te fenua. Te fana‘o nei to te mau fenua rahi atoa i te reira, tae noa ’tu to Antarctique te vahi toetoe roa ’‘e. Te pure nei matou ‘ia parare oioi noa te parau a te Atua’ e ati a‘e te fenua ia hanahana oia.—Tesalonia 2, 3:1, Te Bibilia Mo’a V.C.J.S. (1976)

  • E nafea te jw.org e tauturu ai e rave rahi ia ite i te parau mau Bibilia?

  • Eaha ta oe e hinaaro e hi‘o i nia i ta matou reni Internet?