Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

O vai te rave nei i to Iehova hinaaro i teie mahana?

 HAAPIIRAA 7

Eaha te tereraa o ta matou mau putuputuraa?

Eaha te tereraa o ta matou mau putuputuraa?

Niu Zelani

Tapone

Ouganda

Lituanie

Ia putuputu te mau Kerisetiano matamua, i himene, pure, taio e aparau na ratou i nia i te mau Papai. (Korinetia 1, 14:26) Mai tera atoa ta matou mau putuputuraa.

Niuhia te haapiiraa i nia i te Bibilia e mea faufaa. I te hopea hebedoma, e putuputu te mau amuiraa no te faaroo i te hoê Oreroraa parau Bibilia e 30 minuti o te faataa e nafea te Bibilia i taaihia ’i i to tatou oraraa e i te tau ta tatou e ora nei. E faaitoitohia te taatoaraa ia rave i ta ratou iho Bibilia. Ia oti te oreroraa parau, e faaterehia te Haapiiraa o “Te Pare Tiairaa” hoê hora. E nehenehe te mau melo o te amuiraa e pahono i te mau uiraa o te tumu parau o Te Pare Tiairaa e hi‘opoahia ra. E tauturu te reira ia matou ia faaohipa i te mau aratairaa Bibilia i roto i to matou oraraa. Hoê â tumu parau te haapiihia i roto hau atu i te 110 000 amuiraa i te ao nei.

Tauturuhia ia aravihi atu â i te haapii i te taata. E putuputu atoa matou i te hebedoma no te hoê porotarama e toru tuhaa parauhia Oraraa e taviniraa Kerisetiano o tei niuhia i nia i te papai taava‘e Faaineineraa no te putuputuraa Oraraa e taviniraa Kerisetiano. E tauturu te tuhaa matamua o teie putuputuraa, Tao‘a rau Bibilia, ia matau maitai tatou i te hoê tuhaa o te Bibilia ta te amuiraa i taio ê na. I roto i te tuhaa i muri iho, A rave maite i ta oe taviniraa, te vai ra te tahi mau faahi‘oraa e nafea e aparau no nia i te Bibilia e vetahi ê. E horoa te hoê taeae a‘o i te tahi mau mana‘o no te tauturu ia taio e ia paraparau maitai atu â. (Timoteo 1, 4:13) I roto i te tuhaa hopea, Oraraa Kerisetiano, e hi‘opoahia te mau faaueraa tumu Bibilia o te faaohipahia i roto i te oraraa te mau mahana atoa. Te vai atoa ra te hoê aparauraa ma te mau uiraa e te mau pahonoraa o te faahohonu i to tatou ite i te Bibilia.

Ia haere oe i ta matou mau putuputuraa, e maere oe i te maitai o te haapiiraa Bibilia e horoahia ra.—Isaia 54:13.

  • Eaha ta oe e faaroo i te mau putuputuraa a te mau Ite no Iehova?

  • E hinaaro oe e haere i teihea putuputuraa?

No te ite atu â

Eaha te ravehia i te Piha a te Basileia?

A tomo mai i roto e ite atu ai oe.

Nafea te mau amuiraa a te mau Ite no Iehova e faanahohia ’i?

E ite oe e nafea matou e fana‘o ai i te aratairaa e haapiiraa maoti teie faanahoraa.