Eaha to roto?

Mau faaho'iraa ê

Tapura tumu parau

Ite no Iehova

Tahiti

O vai te rave nei i to Iehova hinaaro i teie mahana?

 HAAPIIRAA 3

Mea nafea te parau mau o te Bibilia i haapapu-faahou-hia ’i?

Mea nafea te parau mau o te Bibilia i haapapu-faahou-hia ’i?

Feia haapii Bibilia i te mau matahiti 1870

Te Pare Tiairaa matamua i 1879

Te Pare Tiairaa i teie mahana

Ua tohu te Bibilia e i muri a‘e i te poheraa o te Mesia, e tia mai te mau orometua haavare i rotopu i te mau Kerisetiano matamua e e taviri ratou i te parau mau o te Bibilia. (Ohipa 20:29, 30) Te ohipa iho â i tupu. Ua anoi ratou i te mau haapiiraa a Iesu e te mau mana‘o faaroo etene, e ua fa maira te Amuiraa faaroo Kerisetiano. (Timoteo 2, 4:3, 4) Eaha te haapapuraa e ua taa maitai ia tatou i teie mahana ta te Bibilia e haapii mau ra?

Ua tae maira te taime e faaite ai Iehova i te parau mau. Ua tohu oia e i ‘te tau hopea, e tupu te ite mau i te rahiraa.’ (Daniela 12:4) I te matahiti 1870, ua taa i te hoê pǔpǔ iti e imi ra i te parau mau e e ere no roto mai i te Bibilia e rave rahi haapiiraa a te mau haapaoraa. Ua rave atura ratou i te mau maimiraa no nia i te mau haapiiraa tumu o te Bibilia e ua tauturu Iehova ia ratou ia taa i te reira.

Ua haapii maite te tahi mau taata aau haavare ore i te Bibilia. I faaohipa na tera Feia haapii Bibilia i te hoê ravea haapiiraa ta matou e faaohipa noa nei. Oia hoi e hi‘opoa i te Bibilia ia au i te mau tumu parau. Ia ore ratou e taa maitai i te hoê irava Bibilia, e imi ratou i te tahi atu mau irava e faataa ra i te reira. Ia tuati te faaotiraa i noaa mai e te Bibilia taatoa, e papai ratou i te reira. Ma te pee maite i te mau faataaraa a te Bibilia iho, ua haapapu faahou ratou i te parau mau no nia i te i‘oa o te Atua e to ’na Basileia, ta ’na opuaraa no te huitaata e no te fenua, te feia pohe e te tiaturiraa o te tia-faahou-raa. Maoti ta ratou mau maimiraa i tiamâ mai ai ratou i te tiaturiraa haavare e peu tano ore e rave rahi.—Ioane 8:31, 32.

I te matahiti 1879 to te Feia haapii Bibilia taaraa e ua tae i te taime e faaite haere ai i te parau mau. I reira ïa to ratou haamataraa i te nenei i te vea Te Pare Tiairaa e faaite ra i te Basileia o Iehova ta matou e nenei noa nei. Te faaite nei matou i te pue parau mau o te Bibilia i te taata i 240 fenua na roto hau atu i te 750 reo. Te tupu nei iho â te ite mau i te rahiraa!

  • I muri a‘e i te poheraa o te Mesia, ua ahahia te parau mau o te Bibilia?

  • Maoti te aha i haapapu-faahou-hia ’i te parau mau o te Bibilia?