Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

O vai te rave nei i to Iehova hinaaro i teie mahana?

 HAAPIIRAA 12

E nafea matou e poro ai i te Basileia?

E nafea matou e poro ai i te Basileia?

Paniora

Biélorussie

Hong Kong

Peru

Tau mahana hou oia a pohe ai, ua parau Iesu: “E parau-haere-hia te evanelia o te basileia nei e ati noa ’‘e teie nei ao, ia ite te mau fenua atoa: o te hopea ihora ïa i reira.” (Mataio 24:14) E nafea râ teie ohipa pororaa e tupu ai e ati a‘e te fenua? Ma te pee ïa i te hi‘oraa o Iesu a vai ai oia i te fenua nei.—Luka 8:1.

E tutava matou i te farerei i te taata i ǒ ratou. Ua faaineine Iesu i ta ’na mau pǐpǐ ia poro i te evanelia i tera e tera fare. (Mataio 10:11-13; Ohipa 5:42; 20:20) Ua faataahia te tahi mau tuhaa fenua e poro ratou. (Mataio 10:5, 6; Korinetia 2, 10:13) Mea naho maitai atoa te pororaa i teie mahana e e tuhaa fenua ta te mau amuiraa atoa. E nehenehe ïa ratou e ‘poro haere i te taata’ mai ta Iesu i faaue.—Ohipa 10:42.

E tutava matou i te farerei i te taata i te mau vahi atoa. Ua poro atoa Iesu na te mau vahi taata, i tatahi anei aore ra i te hoê apoo pape. (Mareko 4:1; Ioane 4:5-15) E paraparau atoa matou i te taata i nia i te Bibilia i te pae purumu anei, i te fare toa, i te matete, i te uahu, aore ra na roto i te niuniu paraparau. E poro atoa matou i te feia tapiri, te mau hoa ohipa, hoa haapiiraa, e fetii ia nehenehe. Maoti teie mau tutavaraa atoa e faaroo ai e mirioni taata i te ao nei i te evanelia o “te ora.”—Salamo 96:2.

E hinaaro paha oe e faaite i te tahi hoa aore ra fetii i te evanelia o te Basileia o te Atua e te auraa o te reira no to ’na oraraa a muri a‘e. Eiaha ïa e haamarirau.

  • Ia porohia teihea “evanelia”?

  • E nafea te mau Ite no Iehova e pee ai i te huru pororaa a Iesu?

No te ite atu â

Te mau Ite no Iehova: Faanahohia no te poro i te parau apî oaoa

Ua matauhia te mau Ite no Iehova no ta ratou ohipa haapiiraa na te ao niuhia i nia i te Bibilia. E nafea ta ratou ohipa i faanahohia ’i, i arataihia ’i e i turuhia ’i i te pae moni?