Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

O vai te rave nei i to Iehova hinaaro i teie mahana?

 HAAPIIRAA 2

No te aha Ite no Iehova?

No te aha Ite no Iehova?

Noa

Aberahama raua Sara

Mose

Iesu Mesia

Ite no Iehova no te taata e rave rahi, te i‘oa ïa o te hoê haapaoraa apî. Teie râ, a 2 700 matahiti a‘enei, ua faataahia te mau tavini a te Atua mau hoê roa mai to ’na mau “ite.” (Isaia 43:10-12) Hou te matahiti 1931, i parauhia na matou Feia haapii Bibilia. No te aha râ matou i rave ai i te i‘oa Ite no Iehova?

No te faaite o vai to matou Atua. Ia au i te tahi mau papai tahito, e itehia te i‘oa o te Atua, o Iehova, e 7 000 tiahapa taime i roto i te Bibilia. Ua monohia taua i‘oa ra i roto e rave rahi Bibilia e na tiaraa Fatu aore ra Atua. Teie râ, i faaite na te Atua mau i to ’na i‘oa ia Mose, ma te parau: “O to ’u ïa i‘oa e a muri noa ’tu.” (Exodo 3:15) Ua faataa ê mai ïa oia ia ’na i te mau atua haavare atoa. Te oaoa roa nei matou i te amo i te i‘oa mo‘a o te Atua.

No te faataa i ta matou ohipa. Mai te tau o Abela taata parau-tia mai â, e rave rahi tei faaite i to ratou faaroo ia Iehova, mai ia Noa, Aberahama, Sara, Mose, Davida e te tahi atu. E ‘nahoa rahi ite’ ratou. (Hebera 11:4–12:1) Mai te hoê taata e tia ’tu i te tiripuna no te faaite i te hapa ore o te taata e haavahia ra, ua faaoti papu matou e faaite i te parau mau no nia i to matou Atua.

Te pee nei matou ia Iesu. E “ite mau e te parau mau” oia ia au i te Apokalupo 3:14. Ua parau Iesu e ‘ua faaite oia i te i‘oa o te Atua’ e ‘e faaite â oia i te parau mau’ no nia i te Atua. (Ioane 17:26; 18:37) Mea faufaa roa ïa ia amo e ia faaite te mau pǐpǐ mau a te Mesia i te i‘oa o Iehova. Ta te mau Ite no Iehova ïa e faaitoito nei i te rave.

  • No te aha te Feia haapii Bibilia i rave ai i te i‘oa Ite no Iehova?

  • Mai afea mai â e ite ai ta Iehova i te fenua nei?

  • O vai te Ite no Iehova rahi roa ’‘e?

No te ite atu â

Te i‘oa o te Atua—Faaohiparaa e auraa

Ua faaorehia te i‘oa o te Atua i roto e rave rahi huriraa Bibilia. No te aha? Mea faufaa anei ia faaohipa i te i‘oa o te Atua?