Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

O vai te rave nei i to Iehova hinaaro i teie mahana?

 HAAPIIRAA 8

No te aha matou e faanehenehe ai ia matou no te mau putuputuraa?

No te aha matou e faanehenehe ai ia matou no te mau putuputuraa?

Islande

Mehiko

Guinée-Bissau

Philipino

Ua ite paha oe i nia i te mau hoho‘a o teie buka rairai e mea nehenehe maitai te mau Ite no Iehova i ta ratou mau putuputuraa. No te aha matou e haapao maitai ai i to matou huru faanehenehe?

No to matou faatura i te Atua. Te parau ra iho â te Bibilia e eita te Atua e hi‘o i te huru rapaeau o te taata. (Samuela 1, 16:7) Ia putuputu râ matou no te haamori ia ’na, e hinaaro matou e faaite i te faatura ia ’na e i to matou mau taeae e tuahine. Ia tia ’tu matou i mua i te hoê haava, e haapao maitai matou i to matou huru faanehenehe. E faaite atoa ïa to matou huru faanehenehe i te mau putuputuraa i to matou faatura i “te Haava i to te ao atoa,” te Atua ra o Iehova, e te haafaufaa ra matou i ta matou vahi haamoriraa ia ’na.—Genese 18:25.

No te mau aratairaa ta matou e pee ra. Te faaitoito ra te Bibilia i te mau Kerisetiano ia ahu “ma te faaieie ore, e te haapao maitai.” (Timoteo 1, 2:9, 10) Eita ïa matou e oomo i te ahu huru ê e hi‘o mai te taata aore ra e faaara i te hinaaro tia ore. E “haapao maitai” atoa matou i te maiti i te ahu nehenehe eiaha râ mea haapaoraa ore. E tauturu mai teie mau aratairaa i roto i te maitiraa rau a te taata taitahi. E nehenehe to matou huru rapaeau au maitai e ‘faanehenehe i te parau a te Atua to tatou Faaora’ e e ‘haamaitai ia ’na.’ (Tito 2:10; Petero 1, 2:12) Ma te faanehenehe maitai no te mau putuputuraa e haapii ai matou ia vetahi ê ia haafaufaa i te haamoriraa a Iehova.

Noa ’tu e aita to oe e ahu e tano no te putuputuraa, e farii-popou-hia oe ia haere mai oe i te Piha a te Basileia. Eita e titauhia ia oomo i te ahu moni rahi aore ra unauna, ei ahu mâ râ, tura e te au noa.

  • No te aha mea faufaa ’i te huru faanehenehe ia haamori matou i te Atua?

  • Eaha te mau aratairaa e tauturu mai ia maiti i te huru faanehenehe?