Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

O vai te rave nei i to Iehova hinaaro i teie mahana?

 HAAPIIRAA 4

No te aha i neneihia ’i te Huriraa o te ao api?

No te aha i neneihia ’i te Huriraa o te ao api?

Congo (Kinshasa)

Rwanda

Tuhaa o te huriraa Heleni a Symmaque, senekele 3 aore ra 4, to roto te i‘oa o te Atua i te Salamo 69:31

E rave rahi matahiti to te mau Ite no Iehova faaohiparaa, neneiraa e opereraa e rave rau huriraa o te Bibilia. Ua ite râ matou i muri iho e mea faufaa roa te hoê huriraa apî, o te tauturu i te taata ia ‘ite i te parau mau.’ O te hinaaro hoi o te Atua. (Timoteo 1, 2:3, 4) No reira, i te matahiti 1950, ua nenei matou i te tahi tuhaa o te huriraa Beretane o te Huriraa o te ao api, ta matou Bibilia na roto i te reo o teie tau. Ua hurihia teie Bibilia ma te tano maitai na roto hau atu i te 130 reo.

Mea ohie ia taa. A mairi ai te tau, e taui te reo. E i roto e rave rahi Bibilia, te vai ra te tahi mau parau mea fifi ia taa e aita e faaohipa-faahou-hia ra. Maoti atoa te tahi mau papai tahito a‘e tei itehia mai i taa maitai a‘e ai ia matou na reo Hebera, Aramea e Heleni o te Bibilia.

E tuati maitai i te parau a te Atua. Eiaha te feia huri i te Bibilia e taui i te mau papai faaurua a te Atua. Ia pee maite râ i te papai matamua. Teie râ, aita te i‘oa o te Atua ra o Iehova i roto i te rahiraa o te mau huriraa Bibilia.

E faahanahana ia Iehova. (Samuela 2, 23:2) Ua tuuhia te i‘oa o Iehova i roto i te Huriraa o te ao api i te mau vahi e itehia ’i te reira e 7 000 tiahapa taime i roto i te mau papai Bibilia tahito roa ’‘e, ia au i te hoho‘a i raro nei. (Salamo 83:18) Maoti te mau maimiraa i rave-maite-hia, mea au roa ia taio i teie Bibilia o te faataa maitai ra i te mana‘o o te Atua. Noa ’tu e aita teie Bibilia na roto i to oe reo, te faaitoito nei matou ia oe ia haamatau i te taio i te Parau a Iehova i te mau mahana atoa.—Iosua 1:8; Salamo 1:2, 3.

  • No te aha matou i faaoti ai e nenei i te hoê huriraa Bibilia apî?

  • Ia haamatau te taata e hiaai ra e ite i te hinaaro o te Atua i te aha?

No te ite atu â

Te Bibilia—Te hoê buka no ǒ mai i te Atua ra

E nafea te Bibilia e tauturu ai ia oe ia faaruru i te mau fifi? No te aha oe e nehenehe ai e tiaturi i te mau parau tohu?