Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

O vai te rave nei i to Iehova hinaaro i teie mahana?

 HAAPIIRAA 10

Eaha te haamoriraa utuafare?

Eaha te haamoriraa utuafare?

Korea Apatoa

Beresilia

Auteralia

Guinée

Mai tahito mai â to Iehova hinaaroraa ia amui te mau utuafare no te haapaari i to ratou taairaa e o ’na e te tahi i te tahi atoa. (Deuteronomi 6:6, 7) No reira te mau Ite no Iehova e faataa ’i i te hoê taime au maitai i te mau hebedoma atoa no te haamoriraa utuafare. E aparau ratou i nia i te mau mea pae varua e tano maitai i tei hinaaro-mau-hia e ratou. Noa ’tu e aita to oe e apiti, e nehenehe oe e faataa i taua taime ra no te haamori i te Atua ma te haapii i te hoê tumu parau Bibilia ta oe e maiti.

E taime no te haafatata ’tu â ia Iehova. Te na ô ra te Iakobo 4:8: “E haafatata ’tu i te Atua, e na ’na e haafatata mai ia outou.” Ma te haapii i roto i te Bibilia i to ’na huru e ta ’na mau ohipa e ite maitai a‘e ai matou ia Iehova. Te tahi ravea ohie no te haamata i te haamoriraa utuafare, te faataaraa ïa maa taime no te taio haapuai i te Bibilia, ma te pee paha i te porotarama o te putuputuraa Oraraa e taviniraa Kerisetiano. E nehenehe te melo taitahi o to oe utuafare e taio i te hoê tuhaa, a aparau atu ai outou paatoa i ta outou i haapii i roto i te Bibilia.

E taime e piri atu â ’i te utuafare. E piri atu â te mau tane e ta ratou iho vahine, te mau metua e tamarii atoa, te tahi i te tahi ia haapii amui ratou i te Bibilia. Ia riro te reira ei taime oaoa e te hau e tiai-ru-hia e te utuafare i te mau hebedoma atoa. E nehenehe te mau metua e maiti, ia au i te matahiti o te mau tamarii, i te mau tumu parau e tano o Te Pare Tiairaa, o te A ara mai na! aore ra i nia i te reni Internet jw.org. E nehenehe e faahiti i te hoê fifi ta te mau tamarii i farerei i te haapiiraa e eaha te rave. E nehenehe e mataitai i te JW Haapurororaa teata (tv.jw.org) a aparau amui atu ai no nia i te reira i muri a‘e. E himene atoa i te mau himene no te mau putuputuraa o te hebedoma. E ia oti te haamoriraa utuafare, e nehenehe ratou e amuamu.

Maoti teie taime faufaa faataahia i te mau hebedoma atoa no te haamori amui ia Iehova e au roa ’i te utuafare taatoa i te Parau a te Atua. E haamaitai rahi oia i ta outou mau tutavaraa.—Salamo 1:1-3.

  • No te aha matou e faataa ’i i te taime no te haamoriraa utuafare?

  • E nafea te mau metua e faariro ai i teie taime ei mea oaoa no te utuafare taatoa?

No te ite atu â

E nafea to outou oraraa utuafare e oaoa ’i?

E hi‘oraa te here o Iesu no te mau tane, vahine, metua e tamarii. Eaha ta ’na e haapii maira?