Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

O vai te rave nei i to Iehova hinaaro i teie mahana?

 HAAPIIRAA 24

E nafea te haamâu‘araa o ta matou ohipa e aufauhia ’i?

E nafea te haamâu‘araa o ta matou ohipa e aufauhia ’i?

Népal

Togo

Beretane

Te nenei e te opere nei ta matou faanahonahoraa e hanere mirioni Bibilia e te tahi atu mau papai i te mau matahiti atoa ma te tamoni ore. Te patu e te atuatu nei matou i te mau Piha a te Basileia e te mau amaa. Te turu nei matou e tausani melo o te Betela e mitionare i te pae moni. Te horoa atoa nei matou i te tauturu i te mau taime ati. E na ô paha oe, ‘E nafea te mau haamâu‘araa e aufauhia ’i?’

Aita ta matou e tuhaa ahuru aore ra titauraa moni. Mea rahi te haamâu‘araa o ta matou ohipa pororaa evanelia. Eita râ matou e taparu i te moni. Hoê hanere tiahapa matahiti a‘enei, ua faahiti te piti o te numera o Te Pare Tiairaa i to matou tiaturi e na Iehova e turu ia matou e “eita roa ’tu matou e taparu e e titau i te taata ia tauturu mai.” Aita iho â matou e na reira nei.—Mataio 10:8.

Maoti te mau ô horoa noa. Mea rahi te horoa nei i te mau ô no to ratou mauruuru no ta matou ohipa haapiiraa Bibilia. Te horoa nei hoi te mau Ite no Iehova ma te oaoa i to ratou taime e puai, ta ratou moni e te tahi atu mau mea no te rave i te hinaaro o te Atua i te fenua atoa. (Paraleipomeno 1, 29:9) I te Piha a te Basileia e i ta matou mau tairururaa, te vai ra te mau afata ô i reira te feia e hinaaro e tuu ai i ta ratou ô. Aore ra e nehenehe e horoa i te mau ô ma te haere i nia i te reni Internet jw.org. Te rahiraa o te mau ô moni, no ǒ mai ïa i te feia riirii, mai te vahine ivi veve tei tuu e piti lepeta i roto i te afata moni i te hiero. Ua haapopou Iesu ia ’na. (Luka 21:1-4) E nehenehe e ‘vaiiho tamau i te tahi pae moni’ no te ‘horoa ta ’na i opua i roto i to ’na aau.’—Korinetia 1, 16:2; Korinetia 2, 9:7.

Ua papu ia matou e e turai â Iehova i te feia aau tae ia faahanahana ia ’na i ta ratou mau tao‘a rahi no te turu i te mau ohipa tei taaihia i te Basileia, a tupu atu ai to ’na hinaaro.—Maseli 3:9.

  • E nafea ta matou faanahonahoraa e taa ê ai i te tahi atu mau haapaoraa?

  • E nafea te mau ô horoa noa e faaohipahia ’i?

No te ite atu â

Video: Nafea te Ite no Iehova e aufau ai i te haamâu‘araa o ta ratou ohipa?

Mea nafea te rima tauturu e te mau ô e horoahia ’i na te ao nei? A mataitai i teie video.

Ta matou mau vea

Rave mai i te mau vea Te Pare Tiairaa e A ara mai na!