Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Pahonoraa i na 10 uiraa ta te taurearea e uiui nei

 UIRAA 9

Ia tiaturi anei au i te tauiuiraa o te mau mea ora?

Ia tiaturi anei au i te tauiuiraa o te mau mea ora?

NO TE AHA MEA FAUFAA?

Mai te peu e mea mau te tauiuiraa o te mau mea ora, aita ïa e fa to te oraraa. Mai te peu e ua poietehia tatou, e ite ïa tatou i te mau pahonoraa papu no nia i te oraraa e te ananahi.

EAHA TA OE E RAVE?

Feruri na i teie tupuraa: Te tafifi ra te feruriraa o Vetea. Ua tiaturi noa o ’na i te hoê Atua o tei poiete i te mau mea atoa. I teie nei râ mahana, ua faaite papu te orometua haapii e ua niuhia te haapiiraa o te tauiuiraa o te mau mea ora i nia i te mau haapapuraa. Aita Vetea i hinaaro ia mana‘ohia e mea maamaa o ’na. Mana‘o a‘era o ’na: “I te mea e ua haapapu te mau aivanaa e mea mau iho â te reira, o vai au no te patoi atu?”

Ahani o oe o Vetea, e farii anei oe i tera haapiiraa no te mea noa te parau ra te mau buka e mea mau?

A PARAHI E A FERURI!

E parau oioi te taata o na paeau toopiti eaha ta ratou e tiaturi ra ma te ore e ite no te aha ratou e tiaturi ai i te reira.

  • Te tiaturi ra vetahi i te hoê Atua poiete no te mea noa ua haapii ratou i te reira i te pureraa.

  • Te tiaturi ra vetahi i te tauiuiraa o te mau mea ora no te mea noa ua haapii ratou i te reira i te fare haapiiraa.

 A HI‘OPOA I TEIE MAU UIRAA

Te parau ra te Bibilia: “E faatia hoi to te mau fare atoa nei, o te faatia râ i te mau mea atoa ra, o te Atua ïa.” (Hebera 3:4) Tera iho â anei?

E au te parauraa aita e Atua poiete i te parauraa aita e taata i hamani i teie fare

TA TE TAATA E PARAU RA: Ua fa mai te ao nui i roto i te hoê paainaraa rahi.

1. Na vai aore ra na te aha i faatupu i teie paainaraa rahi?

2. Eaha te mea tano a‘e: ua faura noa mai te mau mea atoa mai tera aore ra e taata to muri?

TA TE TAATA E PARAU RA: No ǒ mai te taata i te animara.

3. Mai te peu e no ǒ mai te taata i te animara, te urî taata paha, no te aha mea taa ê roa ’i te aravihi o te taata e o tera mau urî taata?

4. No te aha mea fifi roa ia taa i te tereraa o te mau huru ora iti a‘e?

TA TE TAATA E PARAU RA: Ua niuhia te tauiuiraa o te mau mea ora i nia i te mau haapapuraa.

5. Ua hi‘opoa anei te taata o tei na reira i te parau i tera mau haapapuraa?

6. Ehia taata te tiaturi nei i tera haapiiraa no te mea noa ua parauhia e o te feia maramarama atoa te tiaturi ra i te reira?

“Ia haere oe na roto i te uru raau a ite atu ai i te hoê fare nehenehe mau, e mana‘o anei oe: ‘Auê te nehenehe e! Ua topa iho â te mau tumu raau i te vahi tano no te hamani i tera fare.’ Eita roa ’tu! Mea maamaa. No te aha ïa e tiaturi ai e ua faura noa mai te mau mea mai tera?”—Julia.

“A feruri na e e parau atu te hoê taata ia oe e ua paaina te tahi mea i roto i te hoê fare neneiraa papai, ua î te mau patu i te inita e ua faura mai te mau papai o te hoê titionare taatoa i nia iho i te mau patu. E tiaturi anei oe?”—Gwen.

 NO TE AHA E TIATURI AI I TE ATUA?

Te faaitoito ra te Bibilia ia “hi‘opoa maite i te mau mea atoa.” (Tesalonia 1, 5:21) Eiaha ïa to oe tiaturiraa i te Atua ia niuhia i nia noa i te

  • HURU AAU (Ua ite au i roto i to ’u aau e te vai ra te hoê mea puai a‘e)

  • TA‘ERE (Te ora nei au i rotopu i te taata faaroo)

  • HAAPIIRAA A TE METUA (Ua haapii mai to ’u na metua ia tiaturi i te Atua, e ere na ’u i maiti)

Ia tiaturi râ oe i te Atua no te mau tumu maitai.

“I roto i te piha haapiiraa, ia faaroo vau i te orometua haapii ia faataa mai i te tereraa o to tatou tino, e papu ia ’u e te vai mau ra te Atua. E ohipa taa maitai iho â to te tuhaa taa ê o te tino, te mea nainai atoa. E pinepine aita tatou e haapao ra e te ohipa ra tera e tera tuhaa. Mea faahiahia mau te tino.”—Teresa.

“Ia ite au i te fare tahua teitei, te pahi rarahi, te pereoo, e ui au, ‘Na vai i hamani i te reira?’ Na te taata aravihi i hamani i te pereoo no te mea mea rahi te tauihaa nainai te titauhia ia faatano ia tere te pereoo. Mai te peu e na te hoê taata i hamani i te pereoo, na vai ïa i hamani i te taata?”—Richard.

“Hau atu â vau i te haapii no nia i te ihi, hau atu â te haapiiraa o te tauiuiraa o te mau mea ora i te riro ei mea maamaa. . . . No ’u, e titauhia te ‘faaroo’ puai a‘e no te tiaturi i tera haapiiraa ia faaauhia i te tiaturiraa i te hoê Atua poiete.”—Anthony.

A FERURI

Noa ’tu e rave rahi matahiti maimiraa, aita â te feia maimi i farii amui i te hoê faataaraa papu no nia i te tauiuiraa o te mau mea ora. Mai te peu e aita te mana‘o o teie feia maimi i tuati, e taata aravihi hoi ratou, mea ino anei ia patoi i tera mana‘o?

No te ite atu â

Eaha ta te Bibilia e parau ra no nia i te poieteraahia i te mau mea atoa?

Ua oti iho â anei te mau mea atoa i te poietehia i muri a‘e e ono mahana e 24 hora?