Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Pahonoraa i na 10 uiraa ta te taurearea e uiui nei

 UIRAA 10

E nafea te Bibilia e tauturu ai ia ’u?

E nafea te Bibilia e tauturu ai ia ’u?

NO TE AHA MEA FAUFAA?

Te na ô ra te Bibilia e “te mau parau mo‘a atoa i papaihia ra e mea faaurua mai ïa e te Atua.” (Timoteo 2, 3:16) Mai te peu e tera iho â, e nehenehe ïa te Bibilia e aratai ia oe.

EAHA TA OE E RAVE?

Feruri na i teie tupuraa: Te faahoro ra Tavita i te pereoo i te hoê vahi matau-ore-hia e ana. Ia au i te mau tapao purumu, aita iho â o Tavita i te vahi tano. Ua taa ia ’na e ua mo‘e roa o ’na. Peneia‘e ua hape o ’na i te purumu i te hoê taime.

Ahani o oe o Tavita, eaha ta oe e rave?

A PARAHI E A FERURI!

Ua rau te ravea:

  1. A aniani nahea ia haere.

  2. A faaohipa i te hoê hoho‘a fenua aore ra te GPS.

  3. A faahoro noa ma te tiaturi e e itehia ia oe nahea ia haere.

Mea papu ore te Ravea 3.

Mea maitai a‘e te Ravea 2 i te ravea matamua. E nehenehe hoi e faaohipa i te hoho‘a fenua aore ra te GPS i te roaraa o to oe tere no te aratai ia oe.

Mai tera atoa te Bibilia e tauturu ai ia oe!

E nehenehe teie buka hoo-rahi-a‘e-hia

  • e aratai ia oe a fifihia ’i

  • e tauturu ia oe ia ite o vai mau oe e ia riro ei taata maitai a‘e

  • e faaite ia oe e nafea ia fana‘o i te huru oraraa maitai roa ’‘e

 PAHONORAA I TE MAU UIRAA FAUFAA

E ui tatou i te uiraa mai te taime i ite ai tatou i te paraparau.

  • No te aha mea ninamu ai te ra‘i?

  • Mea nafea te hamaniraahia te fetia?

A paari mai ai, e ui tatou i te mau uiraa no nia i te oraraa.

  • No te aha te mau ohipa iino e tupu ai?

  • No te aha te taata e pohe ai?

E mai te peu e tei roto noa te pahonoraa i teie mau uiraa i te Bibilia?

No te taata e rave rahi, ua î te Bibilia i te aai, mea tahito tera buka aore ra mea fifi roa ia taa i te reira. Eaha mau râ te fifi? O te Bibilia anei aore ra o te mea ta te taata i faaroo no nia i te Bibilia te fifi mau? Ua hape anei ta ratou i faaroo?

A hi‘o na: No te taata, te parau ra te Bibilia e na te Atua e faatere ra i te ao. E nafea hoi? Ua î te ao i te oto e te mauiui, i te ma‘i e te pohe, i te veve e te ati. O te hoê Atua î i te here anei to muri i tera mau mea atoa?

E hinaaro anei oe e ite i te pahonoraa? O vai te faatere ra i te ao? E maere oe i ta te Bibilia e parau!

Ua tapao paha oe e ua niuhia te mau mana‘o tauturu i roto i teie buka rairai i te Bibilia. No te mau Ite no Iehova, e aratai papu iho â te Bibilia. No te mea “mea faaurua mai [te reira] e te Atua, e e mea maitai ei haapiiraa, ei a‘oraa, ei faaiteraa hapa.” (Timoteo 2, 3:16, 17) Tei ia oe noa i teie nei ia hi‘opoa i teie buka tahito o te tano noa ra no teie mahana!

No te ite atu â

No te aha e haapii ai i te Bibilia?

Ua mana‘o a’ena oe i teie mau parau, “Aita to ’u e taime,” aore ra “Aita vau e hinaaro ra”?

Eaha te ravehia i te hoê haapiiraa Bibilia?

E pûpû te Ite no Iehova na te ao nei i te hoê porotarama haapiiraa Bibilia tamoni ore. A hi‘o i te tereraa o te reira.