Eaha to roto?

Tapura tumu parau

 HAAPIIRAA 10

Faatanotanoraa i te reo

Faatanotanoraa i te reo

Ezekiela 9:1

TE FA: A faatanotano i te puai e te ta‘iraa o to oe reo e te vitivitiraa ia faahiti oe i te mau parau. E matara maitai ïa te mau mana‘o faufaa e e putapû te aau o te taata.

TE TITAUHIA IA RAVE:

  • A faatanotano i te puai o te reo. A haapuai i te reo no te haamatara i te mau mana‘o faufaa e no te haaputapû i te aau. E tano atoa tera raveraa ia taiohia te mau irava e horoa ra i te mau parau faautuaraa. A haamǎrû i te reo no te turai i te taata ia hinaaro e faaroo maite atu â ia oe. A na reira atoa no te haamatara i te mǎta‘u aore ra te ahoaho.

  • A faatanotano i te ta‘iraa reo. Tei nia to oe reo no te faaite i te oaoa aore ra te rahi e te atea o te tahi ohipa. Area no te oto e te ahoaho, tei raro ïa te reo.

  • A haavitiviti aore ra a faataere i te parau. A haavitiviti i te parau no te haamatara i te hoê tupuraa oraora. A faataere a faahiti ai i te mau mana‘o faufaa.