Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Parau apî oaoa a te Atua

 HAAPIIRAA 12

E nafea ia haafatata ’tu i te Atua?

E nafea ia haafatata ’tu i te Atua?

1. E faaroo anei te Atua i te mau pure atoa?

Te ani ra te Atua i te mau huru taata atoa ia haafatata ’tu ia ’na i roto i te pure. (Salamo 65:2) Eita râ oia e faaroo aore ra e farii i te mau pure atoa, mai te pure anei a te hoê tane e rave ino i ta ’na vahine. (Petero 1, 3:7) Aita atoa te Atua i faaroo i te mau pure a Iseraela tei onoono i roto i te ino. E farii râ te Atua i te mau pure a te feia rave hara tei tatarahapa. E fana‘oraa taa ê mau â te pure.—A taio i te Isaia 1:15; 55:7.

2. E nafea ia pure?

E tuhaa te pure o ta tatou haamoriraa. Ia pure ïa tatou ia Iehova ana‘e to tatou Atua Poiete. (Mataio 4:10; 6:9) No te mea e taata hara tatou, e pure ana‘e ma te i‘oa o Iesu tei pohe hoi no ta tatou mau hara. (Ioane 14:6) Eita Iehova e hinaaro ia faahiti noa tatou i te mau pure papaihia aore ra tamau-aau-hia. Ia pure râ tatou ma to tatou aau.—A taio i te Mataio 6:7; Philipi 4:6, 7.

E faaroo atoa to tatou Atua Poiete i te mau pure i roto i te aau. (Samuela 1, 1:12, 13) Te ani maira oia ia pure i te mau taime atoa, i te poipoi anei, i te po, i te taime tamaaraa e ia fifi tatou.—A taio i te Salamo 55:22; Mataio 15:36.

3. No te aha te mau Kerisetiano e putuputu ai?

E ere mea ohie ia haafatata ’tu i te Atua. Te ora nei hoi tatou i rotopu i te mau taata aita e tiaturi ra ia ’na e o te tâhitohito ra i ta ’na parau fafau e tupu te hau i te fenua. (Timoteo 2, 3:1, 4; Petero 2, 3:3, 13) Mea faufaa ïa ia amuimui te mau Kerisetiano e to ratou mau taeae e tuahine no te faaitoito te tahi i te tahi.—A taio i te Hebera 10:24, 25.

 Ma te amuimui e te feia e here ra i te Atua e piri atu ai tatou ia ’na. E taime maitai te mau putuputuraa a te mau Ite no Iehova e faaitoitohia ’i tatou e te faaroo o vetahi ê.—A taio i te Roma 1:11, 12.

4. E nafea ia haafatata ’tu i te Atua?

E haafatata ’tu oe ia Iehova ma te feruri maite i ta oe i haapii i roto i ta ’na Parau, ta ’na mau ohipa, a‘oraa e parau fafau. Maoti te pure e te feruri-maite-raa e taa ’i ia tatou te rahi o te here e te paari o te Atua.—A taio i te Iosua 1:8; Salamo 1:1-3.

Ia tiaturi e ia faatupu oe i te faaroo i te Atua e piri atu ai oe ia ’na. E nehenehe râ te faaroo e iti mai. A feruri maite ïa i te mau tumu o ta oe mau tiaturiraa ia puai noa taua faaroo ra.—A taio i te Mataio 4:4; Hebera 11:1, 6.

5. Eaha te maitai ia haafatata ’tu i te Atua?

E aupuru Iehova i te feia e here ia ’na. E paruru oia ia ratou i te mau mea atâta atoa no to ratou faaroo e tiaturiraa o te ora mure ore. (Salamo 91:1, 2, 7-10) Te faaara maira oia eaha te mau peu e roohia ’i tatou i te ma‘i e te oto. Te haapii maira oia i te huru oraraa maitai roa ’‘e.—A taio i te Salamo 73:27, 28; Iakobo 4:4, 8.

 

No te ite atu â

No te aha e haapii ai i te Bibilia?

E horoa te Bibilia i te mau pahonoraa i te mau uiraa faufaa o te oraraa i te mau mirioni taata na te ao nei. E hinaaro anei oe e ite i tera mau pahonoraa?

A haafatata ’tu i te Atua na roto i te pure

E faaroo anei te Atua i ta oe mau pure? No te pahono i teie uiraa, mea faufaa ia taa ia oe i ta te Bibilia e haapii ra no nia i te pure.