Eaha to roto?

Mau faaho'iraa ê

Tapura tumu parau

Ite no Iehova

Tahiti

E nehenehe oe e riro ei hoa no te Atua!

 HAAPIIRAA 3

E tia ia oe ia haapii no nia i te Atua

E tia ia oe ia haapii no nia i te Atua

Ia riro oe ei hoa no te Atua, e tia ia oe ia haapii no nia ia ’na. Ua ite anei to oe mau hoa i to oe i‘oa e e faahiti anei ratou i te reira? Oia mau. Te hinaaro nei te Atua ia ite e ia faahiti atoa oe i to ’na i‘oa. O Iehova te i‘oa o te Atua. (Salamo 83:18; Mataio 6:9) E tia atoa ia oe ia haapii i ta ’na e au e ta ’na e ore e au. E tia ia oe ia ite o vai to ’na mau hoa e o vai to ’na mau enemi. Ei taime ïa no te haamatau i te hoê taata. Te parau ra te Bibilia e mea maitai ia faaherehere i te taime no te haapii no nia ia Iehova.—Ephesia 5:15, 16.

E rave te mau hoa o te Atua i tei faaoaoa ia ’na. A mana‘o na i to oe mau hoa. Ahiri e e rave ino oe ia ratou e e rave oe i te mau mea ta ratou e riri roa, e vai hoa noa anei outou? Eita roa ïa! Oia atoa, mai te peu e e hinaaro oe e riro ei hoa no te Atua, e tia ia oe ia rave i tei faaoaoa ia ’na.—Ioane 4:24.

Eita te mau haapaoraa atoa e aratai i te auhoaraa e te Atua. Ua faahiti o Iesu, to te Atua hoa piri roa ’‘e, e piti e‘a. Mea aano te hoê e‘a e ua î i te taata. E aratai teie e‘a i te haamouraa. Mea pirihao te tahi atu e‘a e mea iti te taata e haere ra na reira. E aratai teie e‘a i te ora mure ore. Teie ïa te auraa ia hinaaro oe i te auhoaraa e te Atua, e tia ia oe ia haapii nafea ia haamori maitai ia ’na.—Mataio 7:13, 14.