Eaha to roto?

Mau faaho'iraa ê

Tapura tumu parau

Ite no Iehova

Tahiti

E nehenehe oe e riro ei hoa no te Atua!

 HAAPIIRAA 15

E rave te mau hoa o te Atua i te maitai

E rave te mau hoa o te Atua i te maitai

E hoa ta oe e haafaufaa ra e e faatura ra, e tamata ïa oe i te pee i to ’na huru. Te parau ra te Bibilia: “Maitai to Iehova e te pi‘o ore.” (Salamo 25:8) Ia riro tatou ei hoa no te Atua, ei taata maitai e te tia ïa e tia ’i. Te na ô ra te Bibilia: “A pee i te haerea o te Atua mai te tamarii herehia. E ei haerea here noa to outou.” (Ephesia 5:1, 2) Teie te tahi mau ravea ia na reira:

A tauturu atu ia vetahi ê. “E hamani maitai ana‘e i te taata atoa.”—Galatia 6:10.

A rohi na. “Eiaha te taata e eiâ ra ia eiâ faahou, ia rohi râ i te raveraa i te ohipa maitai i to ’na iho rima.”—Ephesia 4:28.

A vai mâ i te pae tino e te pae morare. “E tamâ ana‘e . . . ia tatou iho i te mau viivii atoa o te tino e o te feruriraa, e ia mo‘a roa ’tu â tatou a mǎta‘u ai i te Atua.”—Korinetia 2, 7:1.

 A here e a faatura ’tu i to mau mero utuafare. “Ia here te tane faaipoipo tataitahi i rotopu ia outou i ta ’na vahine mai ta ’na e here ia ’na iho. Area te vahine faaipoipo ra, ia faatura maite ïa i ta ’na tane e tia ’i. Outou te mau tamarii, a faaroo i to outou na metua.”—Ephesia 5:33–6:1.

A here ia vetahi ê. “E here noa ana‘e te tahi i te tahi, no ǒ mai hoi te here i te Atua ra.”—Ioane 1, 4:7.

A auraro atu i te mau ture o te fenua. “Ia auraro te taata atoa i te [faatereraa] . . . E faaho‘i atu i tei au ia ratou atoa: i te titau ra i te tute, te tute.”—Roma 13:1, 7.