Eaha to roto?

Mau faaho'iraa ê

Tapura tumu parau

Ite no Iehova

Tahiti

E nehenehe oe e riro ei hoa no te Atua!

 HAAPIIRAA 6

Fatata roa te paradaiso!

Fatata roa te paradaiso!

Te faaite ra te mau mea iino e tupu ra i teie mahana i te fenua nei e te fatata roa mai ra te paradaiso. Ua parau te Bibilia e e ite tatou i te tau riaria mau na mua iti a‘e a riro ai te fenua ei paradaiso. Te ora nei tatou i teie huru tau! Teie te tahi mau mea ta te Bibilia e parau ra e e tupu:

Te tama‘i rahi. “E aro hoi te tahi nunaa i te tahi atu nunaa e te tahi faatereraa i te tahi atu faatereraa.” (Mataio 24:7) Ua tupu mau â teie parau tohu. Mai te matahiti 1914 mai â, ua itehia e piti tama‘i rahi e e rave rahi tama‘i nainai a‘e. E mirioni ïa taata tei pohe.

Te ma‘i parare. E itehia “i tera e tera vahi . . . te ma‘i pee.” (Luka 21:11) Ua tupu anei te reira? E. E mau mirioni taata tei pohe i te mariri ai taata, te ma‘i mafatu, te ma‘i tutoo, te malaria, te he‘a mate e i te tahi atu mau ma‘i.

Te ereraa i te maa. Na te ao nei, te vai ra te taata aita i navai te maa. I te mau matahiti atoa e mau mirioni taata te pohe nei i te poia. Teie â te tahi tapao e te fatata mai ra te paradaiso. Te na ô ra te Bibilia: “E tupu . . . te o‘e.”—Mareko 13:8.

Te aueueraa fenua. “E tupu . . . te aueueraa fenua i tera e tera vahi.” (Mataio 24:7) Ua tupu  mau atoa te reira i to tatou nei tau. Mai te matahiti 1914 mai â, ua hau atu i te hoê mirioni taata tei pohe i te mau aueueraa fenua.

Te feia iino. E riro te taata ei “nounou i te moni” e “e haapao noa . . . ia ratou iho.” “E au a‘e ratou i te mau mea navenave eiaha râ i te Atua.” E “faaroo ore” te mau tamarii “i te metua.” (Timoteo 2, 3:1-5) Eita anei oe e farii e e rave rahi taata mai te reira te huru i teie mahana? Aita ratou e faatura ra i te Atua, e te haafifi ra ratou i te feia e tamata ra i te haapii no nia i te Atua.

Te ohipa ino. E “rahi” atoa “te ino” i te tupuraa. (Mataio 24:12) E farii atoa oe e ua maraa roa te ohipa ino i to te mau matahiti i mahemo. I te mau vahi atoa, te mǎta‘u ra te taata ia eiâhia, ia haavarehia, aore ra ia rave-ino-hia ratou.

Te faaite ra teie mau mea atoa e te fatata mai ra te Faatereraa arii a te Atua. Te na ô ra te Bibilia: “Ia ite outou i teie mau mea ia tupu, ua fatata ïa te Faatereraa arii a te Atua.” (Luka 21:31) Eaha te Faatereraa arii a te Atua? O ta te Atua faatereraa ïa i te ra‘i o te faariro i te fenua ei paradaiso. E mono te Faatereraa arii a te Atua i te mau faatereraa taata nei.—Daniela 2:44.