Eaha to roto?

Mau faaho'iraa ê

Tapura tumu parau

Ite no Iehova

Tahiti

E nehenehe oe e riro ei hoa no te Atua!

 HAAPIIRAA 16

A faaite atu i to oe here no te Atua!

A faaite atu i to oe here no te Atua!

Ia vai noa oia ei hoa no oe, e tia ia paraparau atu oe ia ’na. E faaroo oe ia ’na e e faaroo mai o ’na ia oe. E parau atoa oe i te mau mea maitatai no nia i to oe hoa ia vetahi ê. Hoê â huru te riroraa ei hoa no te Atua. A hi‘opoa na i ta te Bibilia e parau ra no nia i te reira:

A paraparau tamau atu ia Iehova na roto i te pure. “A tamau maite i te pure.”—Roma 12:12.

A taio i te Parau a te Atua, te Bibilia. “Te mau Papai mo‘a atoa, ua papaihia ïa i raro a‘e i te aratairaa a te varua o te Atua, e mea faufaa no te haapii atu, no te faaite atu i te hapa, no te faaafaro i te mau mea.”—Timoteo 2, 3:16.

A haapii atu ia vetahi ê no nia i te Atua. “A haere ïa e faariro i te taata o te mau nunaa atoa ei pǐpǐ . . . ma te haapii ia ratou ia haapao i te mau mea atoa ta ’u i faaue ia outou.”—Mataio 28:19, 20.

 A haafatata ’tu i te mau hoa o te Atua. “O tei amui atoa to ’na haerea i to te feia paari ra, e paari atoa ïa.”—Maseli 13:20.

A apiti atu i te mau putuputuraa i te Piha a te Basileia. “E mana‘o ana‘e te tahi i te tahi, a turai atu ai te tahi i te tahi ia faaite i te here e ia rave i te mau ohipa maitai roa, . . . ia faaitoito . . . te tahi i te tahi.”—Hebera 10:24, 25.

A turu atu i te ohipa a te Faatereraa arii. “Ia horoa te taata tataitahi mai ta ’na i faaoti i roto i to ’na aau, eiaha ma te hinaaro ore aore ra ma te faahepohia, mea here hoi na te Atua te taata o te horoa ma te aau tae.”—Korinetia 2, 9:7.