Eaha to roto?

Tapura tumu parau

 HAAPIIRAA 12

Eaha te tupu i te poheraa?

Eaha te tupu i te poheraa?

Te pohe, ua taa ê ïa i te ora. E au te pohe i te hoê taoto hohonu. (Ioane 11:11-14) Eita tei pohe e faaroo, e ite, e paraparau, aore ra e feruri i te tahi noa ’‘e mea. (Koheleta 9:5, 10) Te haapii ra te haapaoraa hape e e haere tei pohe i roto i te hoê ao varua no te ora e to ratou mau tupuna. Aita te Bibilia e haapii ra i te reira.

Eita te feia pohe e nehenehe e tauturu mai, e eita atoa ratou e nehenehe e totoa ia tatou. E peu matauhia e te taata te faatupuraa i te mau oroa e te mau tusia ta ratou e mana‘o ra e e auhia e tei pohe. Eita te Atua e mauruuru i te reira no te mea ua niuhia te reira i nia i te hoê haavare a Satani. Eita atoa tei pohe e mauruuru i te reira, ua pohe hoi ratou. Eiaha roa tatou e mǎta‘u aore ra e haamori i tei pohe. O te Atua ana‘e ta tatou e haamori e tia ’i.—Mataio 4:10.

E ora faahou mai tei pohe. E faaara Iehova i tei pohe no te ora i roto i te paradaiso i te fenua nei. No a muri a‘e â teie tau. (Ioane 5:28, 29; Ohipa 24:15) E nehenehe ta te Atua e faaara i te feia i pohe, mai ta oe e nehenehe e faaara i te hoê taata e taoto ra.—Mareko 5:22, 23, 41, 42.

Te haavare ra te Diabolo ra o Satani e e ore tatou e pohe. Te turai nei Satani e ta ’na mau demoni i te taata ia mana‘o e te ora noa ra te mau varua o te feia pohe e te faatupu ra ratou i te ma‘i e te tahi atu mau fifi. Te haavare nei Satani i te taata, i te tahi mau taime na roto ïa i te moemoeâ e te orama. E faautua Iehova i te feia e tamata ra i te paraparau atu i tei pohe.—Deuteronomi 18:10-12.