Eaha to roto?

Mau faaho'iraa ê

Tapura tumu parau

Ite no Iehova

Tahiti

E nehenehe oe e riro ei hoa no te Atua!

 HAAPIIRAA 2

O te Atua to oe hoa rahi roa ’‘e

O te Atua to oe hoa rahi roa ’‘e

Te riroraa ei hoa no te Atua, o te ohipa maitai roa ’‘e ïa no oe. E haapii mai te Atua e nafea oe e oaoa ’i e e faaea hau ai, e faatiamâ oia ia oe i te mau tiaturiraa hape e i te mau peu iino e rave rahi. E faaroo oia i ta oe mau pure. E tauturu oia ia oe ia fana‘o i te hau o roto e ia tiaturi oe ia oe iho. (Salamo 71:5; 73:28) E turu te Atua ia oe i te tau ati. (Salamo 18:18) E te pûpû nei te Atua i te ora mure ore ei ô no oe.—Roma 6:23.

Ia haafatata ’tu oe i te Atua, e haafatata ’tu ïa oe i te tahi atu mau hoa o te Atua. E riro atoa mai ratou ei hoa no oe. Inaha, e riro mai ratou ei taeae e ei tuahine no oe. E oaoa ratou i te haapii atu ia oe no nia i te Atua e i te tauturu atu e i te faaitoito atu ia oe.

Aita tatou i aifaito i te Atua. A imi ai oe i te auhoaraa e te Atua, ia taa maitai ia oe i te hoê mea faufaa. E ere te auhoaraa e te Atua i te hoê auhoaraa e te hoê taata mai ia tatou. Mea maoro a‘e e mea paari a‘e te Atua ia tatou iho, e ua hau a‘e to ’na puai i to tatou. E tiaraa to ’na no te faatere ia tatou. No reira, ia hinaaro tatou e riro ei hoa no ’na, e tia ia tatou ia faaroo ia ’na e ia rave i ta ’na e ani mai ra. E riro noa te reira ei maitai no tatou.—Isaia 48:18.