Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

“Ia vai maite outou i roto i te here o te Atua”

 TUHAA HAU

E nafea ia upootia i nia i te faanavenaveraa i te mau mero taatiraa?

E nafea ia upootia i nia i te faanavenaveraa i te mau mero taatiraa?

Te faanavenaveraa i te mau mero taatiraa, e peu ïa ta te Atua e ore e au, e faatupu riirii hoi te reira i te mau hinaaro o te paturu i te miimii e o te haaviivii i te feruriraa. * E tae roa atoa te hoê taata faanavenave i to ’na mau mero taatiraa i te hi‘o ia vetahi ê mai te mau tao‘a noa no te taatiraa—e mauhaa no te haamâha i to ’na mau hinaaro e taati. E taa ê roa te taatiraa i te here e e pahonoraa oioi roa te reira o te horoa i te navenave taime poto e o te tamǎrû i te tahi hiaai puai e taati. E tamǎrûraa taime poto noa râ. Inaha, eita te faanavenaveraa i te mau mero taatiraa e uumi i te mau mero o te tino “mai te faaturi [aore ra te mau peu taotoraa tia ore], te parau faufau ra, te paia ra,” e faaaraara râ i te reira.—Kolosa 3:5.

Ua papai te aposetolo Paulo e: “E au mau here e, . . . e tamâ hua tatou ia tatou iho i te mau viivii atoa o te tino e te varua, ma te faatupu hua i te maitai i te mǎta‘uraa ’tu i te Atua.” (Korinetia 2, 7:1) Mai te peu e te aro nei oe no te pee i teie mau parau, eiaha e tuu. “Ua tia” noa ia Iehova ia “faaore mai i te hara” e ia tauturu. (Salamo 86:5; Luka 11:9-13) Inaha, te faahaparaa to oe iho aau ia oe e ta oe mau tutavaraa i te faaea i te rave i taua peu ra—noa ’tu e e topa faahou oe i te tahi mau taime—e tapao faaite ïa o te hoê huru feruriraa maitai. A haamana‘o atoa e “e rahi te Atua i to tatou  aau, e ua ite oia i te mau mea atoa nei.” (Ioane 1, 3:20) Aita noa te Atua e ite ra i ta tatou mau hara; te ite atoa ra o ’na i te taata taatoa. Maoti taua ite i te mau mea atoa ra, e nehenehe ta ’na e faaroo ma te aumauiui i ta tatou mau taparuparuraa haavare ore i to ’na aroha hamani maitai. No reira, eiaha roa ’tu e fiu i te fariu i te Atua na roto i te pure haavare ore e te haehaa, mai te hoê tamarii o te fariu i to ’na papa ia fifi oia. E horoa ’tu Iehova i te hoê mana‘o haava tamâhia. (Salamo 51:1-12, 17; Isaia 1:18) Parau mau, e titauhia ia rave oe i te mau taahiraa avae maitatai ia au i ta oe mau pure. Ei hi‘oraa, e tutava oe i te ape i te mau huru peu faufau atoa e te mau amuimuiraa iino atoa. *

Ia tamau noa to oe fifi e te faanavenaveraa i te mau mero taatiraa, a aparau na ïa i te reira e te hoê o to oe na metua Kerisetiano aore ra te hoê hoa feruriraa paari i te pae varua e te hamani maitai. *Maseli 1:8, 9; Tesalonia 1, 5:14; Tito 2:3-5.

^ par. 2 Te faanavenaveraa i te mau mero taatiraa, o te mirimiriraa ïa i te reira, e pinepine e tae roa ’tu i te faito hopea o te navenave o te taatiraa.

^ par. 3 Ei taahiraa avae tano no te hi‘opoa i te faaohiparaa o te matini roro uira i te fare, mea rahi te utuafare tei tuu i te reira i te hoê vahi e ite atu te taata atoa. Hau atu â, e hoo mai te tahi mau utuafare i te hoê porotarama roro uira o te titia i te mau mea auraa ore. Aita râ e porotarama papu roa ino.

^ par. 1 Ei mana‘o tauturu e au ia faaohipa e nafea ia upootia i nia i te faanavenaveraa i te mau mero taatiraa, a hi‘o i te tumu parau “Te uiui nei te mau taurearea . . . E nafea ia upootia i nia i tera peu?” i roto i te Réveillez-vous! no Novema 2006, e i na api 178-182 o te buka Les jeunes s’interrogent. Réponses pratiques, buka 1.