Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

“Ia vai maite outou i roto i te here o te Atua”

Rata a te Tino aratai

Rata a te Tino aratai

O oe e here ra ia Iehova:

“E ite . . . outou i te parau mau, e na te parau mau outou e faatiamâ,” ta Iesu ïa i parau. (Ioane 8:32) Auê ïa parau faaitoito e! Oia, e nehenehe e ite i te parau mau, i teie atoa “anotau hopea” ati rahi ua rahi hoi te haavare. (Timoteo 2, 3:1) Te haamana‘o ra anei oe i to oe ite-matamua-raa i te parau mau mai tei faataahia i roto i te Parau a te Atua? Auê hoi te oaoa e!

E mea faufaa ia noaa mai te ite mau i te parau mau e ia faaite tamau i te reira ia vetahi ê, e mea tia atoa râ ia tuati to tatou haerea e te parau mau. No te na reira, e titauhia ia vai maite tatou i roto i te here o te Atua. Eaha ïa te auraa? Ua pahono Iesu i teie uiraa i te po hou to ’na poheraa. Ua na ô oia i ta ’na mau aposetolo haapao maitai e: “I[a] haapao outou i ta ’u ra parau, e vai herehia ’tu â outou e au; mai ia ’u i haapao i te parau a tau Metua ra, e te vai herehia nei â vau e ana.”—Ioane 15:10.

A tapao na e ua vai noa Iesu i roto i te here o te Atua na roto i te haapaoraa i te parau a to ’na Metua. E tano atoa te reira no tatou i teie mahana. No te vai noa i roto i te here o te Atua, e titauhia ia faaohipa tatou i te parau mau i roto i to tatou oraraa o te mau mahana atoa. I taua noa po ra, ua parau Iesu e: “E ao to outou, e te feia i ite i teie nei mau parau, ia haapao outou i taua parau ra.”—Ioane 13:17.

Te tiaturi mau nei matou e e tauturu teie buka ia oe ia tamau i te faaohipa i te parau mau i roto i to oe oraraa e ia vai maite hoi oe “[“i roto i te here o,” “Traduction du monde nouveau”] te Atua . . . e tae noa ’tu i te ora mure ore ra.”—Iuda 21.

Tino aratai a te mau Ite no Iehova