Eaha to roto?

Mau faaho'iraa ê

Tapura tumu parau

Ite no Iehova

Tahiti

A haapii i to tamarii

 HAAPIIRAA 4

Ua oaoa to ’na papa e Iehova ia ’na

Ua oaoa to ’na papa e Iehova ia ’na

Eaha ta Iepheta i parau ia Iehova?

Noa ’tu e e ere i te mea ohie, ua faatupu te tamahine a Iepheta i te parau a to ’na metua tane

I to oe mana‘o, o vai te tamahine i nia i te hoho‘a?— E tamahine o ’na na Iepheta. Aita te Bibilia e faaite ra i to ’na i‘oa, ua ite râ tatou e ua oaoa to ’na metua tane e Iehova ia ’na. E hi‘o ana‘e o vai o ’na, na reira atoa to ’na papa Iepheta.

E taata maitai Iepheta, i faaherehere na hoi oia i te taime no te haapii i ta ’na tamahine o vai Iehova. E taata puai e e aratai maitai atoa. No reira to Iseraela i ani atu ai ia aratai ia ratou i te tama‘i no te upootia i te mau enemi o te nunaa.

Ua pure Iepheta ia Iehova no te upootia e ua parau e e horoa ’tu oia i te taata matamua e haere mai i rapae i to ’na fare ia ho‘i atu oia. No te toea o to ’na oraraa, e ora e e rave tera taata i te ohipa i te sekene  a te Atua. Na mua ’‘e, e vahi tera e haamori ai to te nunaa ia Iehova. Eaha ’tura tei tupu no Iepheta? Ua upootia iho â o ’na. A ho ’i ai i te fare, o vai te taata matamua tei farii ia ’na?—

O ta ’na tamahine! Hoê ana‘e ta ’na tamarii e i teie nei, e mea titauhia ia vaiiho ia ’na ia haere. Ua oto Iepheta, tera râ e mea tia ia tapea o ’na i ta ’na parau. Oioi a‘era ta ’na tamahine i te na ô: ‘Papa, mai ta to vaha i parau ia Iehova, ia tapea iho â oe i ta oe parau.’

I te mau matahiti atoa, e haere na te mau hoa o te tamahine a Iepheta e farerei ia ’na

Ua oto atoa te tamahine a Iepheta no te mea i te sekene, eita ta ’na e nehenehe e faaipoipo e e fanau i te tamarii. Ua hinaaro roa râ oia e faatupu i te parau a to ’na metua tane e ia oaoa Iehova. Tera hoi te mea faufaa a‘e no ’na. Ua faarue a‘era o ’na i te fare o to ’na papa e ua haere i te sekene no te toea o to ’na oraraa.

I to oe mana‘o, ua oaoa anei to ’na papa e Iehova ia ’na?— E! Ia faaroo e ia here oe ia Iehova mai te tamahine a Iepheta, e oaoa to mau metua e hau roa ’tu â, Iehova.

TAIO I ROTO I TA OE BIBILIA