Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A haapii i to tamarii

 HAAPIIRAA 1

Te oaoa nei tatou i te ite i te hoê parau huna

Te oaoa nei tatou i te ite i te hoê parau huna

Ua faaite ê na anei te tahi taata ia oe i te hoê parau ta ’na i ore i faaite ia vetahi ê?— * Mai te peu e e, e parau huna tera no te mea aita te tahi atu taata i ite noa ’‘e i tera parau. Ua faaite atoa te Bibilia i te hoê “parau aroaro.” E parau huna taa ê tera no te mea no ǒ roa mai i te Atua. Ua tamata te mau melahi i te ite atu â i te reira. E hinaaro atoa anei oe e ite eaha tera parau huna?—

I to oe mana‘o, eaha ta te mau melahi i tamata i te ite atu â?

E mea maoro a‘enei, ua poiete te Atua i te tane e te vahine matamua. O Adamu ïa raua Eva. Ua horoa ’tu te Atua i te hoê nohoraa nehenehe mau, te ô i Edene. Ahiri Adamu e Eva i faaroo i te Atua, ma te turu a ta raua mau tamarii, ua riro atura ïa te fenua taatoa ei paradaiso mai tera ô. Ua ora atoa ïa ratou i roto i te paradaiso e a muri noa ’tu. Tera râ, te haamana‘o ra oe i ta Adamu raua Eva i rave?—

Aita te fenua i riro ei paradaiso no te mea ua faaroo ore Adamu e Eva i te Atua. Ua parau râ Iehova e e riro mai te fenua taatoa ei vahi nehenehe, i reira te taata atoa e ora ’i e a muri noa ’tu ma te oaoa. E nafea ïa te reira e tupu ai? Na mua ’‘e, aita te taata i ite. Mea maoro ïa te reira i te riroraa ei parau huna.

I to Iesu haereraa mai i te fenua nei, ua parau oia i te tahi mea no nia i tera parau huna. Ua faaite o ’na e ua taaihia te reira i te Basileia o te Atua. Ua faaitoito Iesu i te taata ia pure ia tae mai tera Basileia. Na te reira hoi e faariro i te fenua ei paradaiso nehenehe.

Te oaoa ra anei oe i te ite eaha tera parau huna?— A haamana‘o e o te feia ana‘e e faaroo ia Iehova te ora i roto i te paradaiso. Mea rahi ta te Bibilia faatiaraa no nia i te mau tane e vahine i faaroo ia Iehova. E hinaaro anei oe e ite atu â no nia ia ratou?— E hi‘o ana‘e o vai vetahi e e nafea ia pee i to ratou hi‘oraa.

A TAIO I ROTO I TA OE BIBILIA

  • Mareko 4:11

  • Petero 1, 1:12

  • Genese 1:26-28; 2:8, 9; 3:6, 23

  • Luka 11:2

  • Salamo 37:11, 29

^ par. 3 Ia ite oe i teie tapao (—) i muri a‘e i te tahi uiraa, a vaiiho i ta oe tamarii ia pahono.