Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A haapii i to tamarii

 HAAPIIRAA 9

Aita Ieremia i faaea i te paraparau no nia ia Iehova

Aita Ieremia i faaea i te paraparau no nia ia Iehova

No te aha te taata i riri roa ’i ia Ieremia?

Maoti ta Iehova tauturu, ua ora mai Ieremia

I te tahi taime, e faaooo aore ra e riri mai te taata ia paraparau tatou no nia ia Iehova. E hinaaro paha tatou e faaea i te faaite o vai te Atua. Mai tera atoa anei oe i te tahi taime?— Te faatia ra te Bibilia i te aamu o te tahi taurearea tei here ia Iehova e tei fatata roa râ i te faaea i te paraparau no nia ia ’na. O Ieremia to ’na i‘oa. E hi‘o ana‘e eaha te parau no nia ia ’na.

A apî noa ’i Ieremia, ua parau atu Iehova ia ’na ia faaara i te nunaa ia faaea i te rave i te ohipa ino. E ere roa ’tu i te mea ohie no Ieremia e ua riaria atoa hoi o ’na. Ua parau Ieremia i te Atua: ‘Aita vau i ite eaha te parau. E tamarii noa hoi au.’ Ua na ô atu râ Iehova: ‘Eiaha e riaria. Na ’u e tauturu ia oe.’

 Ua faaara a‘era Ieremia i te nunaa e e faautua ’tu te Atua ia ore ratou e taui. I to oe mana‘o, ua haapaohia anei ta Ieremia mau parau?— Aita. Ua faaooo aore ra ua riri roa te taata. Ua hinaaro vetahi e haapohe ia ’na! I to oe mana‘o, eaha te huru o Ieremia?— Ua riaria e ua parau oia: ‘Eita vau e faaite faahou i te parau no nia ia Iehova.’ Ua na reira iho â anei oia?— Aita. No to ’na here rahi ia Iehova, ua tamau noa oia i te paraparau no nia ia ’Na. Aita Ieremia i taora i te tauera e ua paruru noa Iehova ia ’na.

A hi‘o na i tei tupu a huri ai vetahi taata ino ia Ieremia i roto i te hoê apoo tei î i te vari. Aita ta ’na e maa e e pape inu. Ua hinaaro tera mau taata ia pohe o Ieremia. Maoti râ ta Iehova tauturu, ua ora mai o ’na!

Eaha te haapii mai i te hi‘oraa o Ieremia?— Noa ’tu e ua riaria o ’na i te tahi taime, ua tamau râ oia i te faaite i te parau no nia ia Iehova. Ia rave oe mai ia Ieremia, e faaooo aore ra e riri atu paha te taata. Peneia‘e e haama aore ra e riaria oe, eiaha râ e faaea i te faaite o vai Iehova. E tauturu noa iho â Iehova ia oe mai ta ’na i rave no Ieremia.

A TAIO I ROTO I TA OE BIBILIA

  • Ieremia 1:4-8; 20:7-9; 26:8-19, 24; 38:6-13