Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A haapii i to tamarii

 HAAPIIRAA 8

E hoa papu to Iosia

E hoa papu to Iosia

I to oe mana‘o, e mea ohie anei ia rave i te ohipa tia?— No te rahiraa, e mea fifi roa. Te faaite ra te Bibilia i te hi‘oraa o te hoê tamaiti o Iosia te i‘oa. No ’na e ere roa ’tu i te mea ohie ia rave i te mea tia. Te vai ra râ to ’na mau hoa papu o tei tauturu atu ia na reira. E hi‘o ana‘e eaha te parau no nia ia Iosia e to ’na mau hoa.

O Amona te metua tane o Iosia. E arii teie no Iuda tei rave i te ohipa ino roa e tei haamori i te mau idolo. I muri a‘e i to ’na poheraa, ua riro Iosia ei arii i Iuda. E vau noa râ to ’na matahiti! I to oe mana‘o, ua rave anei o ’na i te ohipa ino mai to ’na metua tane?— Aita!

Ua faaara Zephania i te nunaa eiaha e haamori i te mau idolo

Noa ’tu to ’na apî, ua hinaaro Iosia e faaroo ia Iehova. Ua maiti ïa o ’na i te faahoa i te feia ana‘e i here ia Iehova. Na ratou i tauturu ia ’na ia rave i te ohipa tia. O vai vetahi o te mau hoa o Iosia?

O Zephania te tahi. Ei peropheta, ua faaara oia i te nunaa o Iuda i te mau ati e tupu ia haamori ratou i te mau idolo.  Ua haapao Iosia i ta Zephania i parau e ua haamori ia Iehova eiaha râ i te mau idolo.

O Ieremia te tahi atu hoa o Iosia. Hoê â to raua matahiti e e ere to raua nohoraa i te mea atea roa. A pohe ai Iosia, ua itehia e e hoa piri roa raua. Ua papai hoi Ieremia i te hoê pehe taa ê no te faaite i to ’na oto rahi ia Iosia. Ua turu noa ïa te tahi i te tahi no te rave i te mea tia e no te faaroo ia Iehova.

Ua turu noa Ieremia e Iosia te tahi i te tahi no te rave i te mea tia

Eaha te haapii mai i te hi‘oraa o Iosia?— Noa ’tu to ’na apî, ua hinaaro o ’na e rave i te ohipa tia. Ua ite atoa oia e mea maitai a‘e ia faahoa noa i te feia e here ra ia Iehova. A haapao maitai ïa ia maiti i te mau hoa e here ra ia Iehova e o te tauturu ia oe ia rave i te mea tia!

A TAIO I ROTO I TA OE BIBILIA

  • Paraleipomeno 2, 33:21-25; 34:1, 2; 35:25