Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A haapii i to tamarii

 HAAPIIRAA 13

Ua hinaaro Timoteo e tauturu i te taata

Ua hinaaro Timoteo e tauturu i te taata

Mea au roa na te taurearea ra o Timoteo e tauturu i te taata. Mea rahi te oire ta ’na i tere atu e e oraraa oaoa mau to ’na! E hinaaro anei oe e ite no te aha?—

Ua haapii atu to Timoteo mama ruau e to ’na metua vahine o vai Iehova

Ua paari Timoteo i te oire ra o Lusetera. E tamarii noa ra o ’na a haapii atu ai to ’na mama ruau Loidi e to ’na metua vahine Eunike o vai Iehova. A paari noa ’i Timoteo, ua hinaaro o ’na e tauturu ia vetahi ê ia ite o vai Iehova.

E taurearea Timoteo a ani atu ai Paulo ia apee ia ’na no te poro i te tahi atu mau oire. Ua pahono Timoteo: ‘E!’ Ua ineine oia i te haere e tauturu ia vetahi ê.

Ua tere Timoteo e Paulo i te oire Tesalonia i Makedonia. No te tae atu, mea  atea te vahi ta raua i haere na raro e i muri a‘e ua rave i te hoê pahi. I tera oire, ua tauturu raua e rave rahi taata ia ite o vai Iehova. Te vai ra râ vetahi tei riri e tei hinaaro e hamani ino atu. Ua faarue ïa Paulo e Timoteo i tera oire e ua haere e poro i te tahi atu vahi.

E oraraa oaoa e te mauruuru to Timoteo

Tau ava‘e i muri a‘e, ua ani Paulo ia Timoteo ia ho‘i i Tesalonia no te hi‘o e mea maitai anei te mau taeae. Mea atâta te ohipa i tupu a‘enei i tera oire, e hinaarohia ïa te itoito no te ho‘i atu! No to ’na râ haapeapea i te mau taeae no Tesalonia, ua farii Timoteo. E poroi oaoa ta ’na ia farerei faahou oia ia Paulo, e mea maitai roa te mau taeae o tera oire!

Ua turu Timoteo ia Paulo e rave rahi matahiti. Ia au i ta Paulo i papai, o Timoteo te taata maitai roa ’‘e ta ’na e nehenehe e tono no te tauturu i te mau amuiraa. No te aha? No to ’na here ia Iehova e i te taata.

Ua here anei oe i te taata no te haapii atu o vai Iehova?— Mai te peu e e, e nehenehe oe e ite i te oaoa mau e te mauruuru mai ia Timoteo!

A TAIO I ROTO I TA OE BIBILIA

  • Timoteo 2, 1:5; 3:15

  • Ohipa 16:1-5; 17:1-10

  • Tesalonia 1, 3:2-7

  • Philipi 2:19-22