Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A haapii i to tamarii

 HAAPIIRAA 14

Te hoê Basileia e faatere i te fenua taatoa

Te hoê Basileia e faatere i te fenua taatoa

I to oe mana‘o, e tauaparau tatou no nia i teihea Basileia?— Te Basileia o te Atua, te faatereraa e faariro i te fenua ei paradaiso. E hinaaro anei oe e ite eaha tera Basileia?—

E arii to te mau basileia atoa o te faatere i te mau taata o to ratou fenua. No oe, o vai te Arii o te Basileia o te Atua?— O Iesu Mesia. Tei te ra‘i o ’na e fatata roa oia i te riro ei Arii no te taatoaraa o te taata i te fenua nei! I to oe mana‘o, e oaoa anei tatou ia faatere Iesu i te fenua taatoa?—

Eaha ta oe e hinaaro e ite i roto i te paradaiso?

E, e oaoa roa tatou! I roto i te paradaiso, e here te taata te tahi i te tahi, aita faahou ïa e tatama‘iraa e e tama‘i. E ore te ma‘i e te pohe. E ite te matapo e e faaroo te feia tari‘a turi. E horo e e ou‘a te taata o te ore e nehenehe e haere e e rahi te maa no te taatoaraa! E hauti te tahi animara e te tahi atu e na muri atoa i te taata. E ora faahou mai te feia i pohe mai te mau tane e vahine ta oe i ite i roto i teie buka rairai mai ia Rebeka, Rahaba, Davida e Elia! E hinaaro anei oe e farerei ia ratou i tera taime?—

 Te here ra Iehova ia oe e te hinaaro atoa ra ia oaoa oe. A haapii noa o vai Iehova e a faaroo ia ’na, e ora ïa oe e a muri noa ’tu i roto i te hoê paradaiso nehenehe roa! Tera anei ta oe e hinaaro?—

A TAIO I ROTO I TA OE BIBILIA