Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

E haafatata ’tu ia Iehova

Omuaraa parau

Omuaraa parau

E te feia taio here e:

Te mana‘o ra anei outou e mea fatata outou i te Atua? No te feia e rave rahi, e au ra e eita roa ’tu te reira e nehenehe e tupu. Te mǎta‘u nei te tahi pae e mea atea ê roa oia; te mana‘o nei te tahi atu e eita roa ’tu ratou e au ia haafatata ’tu i te Atua. Te faaitoito maira râ te Bibilia ma te here e: “E haafatata ’tu i te Atua, e na ’na e haafatata mai ia outou na.” (Iakobo 4:8) Te tamahanahana atoa ra oia i to ’na feia haamori e: “O vau hoi to Atua ra, o Iehova, o tei mau ia oe i to rima atau ra; o tei parau atu ia oe e, Eiaha e mǎta‘u; o vau hoi to oe tauturu.”—Isaia 41:13.

E nafea tatou e tutava ’i ia noaa mai taua taairaa piri ra e te Atua? I roto i te mau auhoaraa atoa ta tatou e faatupu, ua niuhia te taairaa i nia i te matauraa i te tahi, te haapopouraa e te haafaufaaraa i to ’na mau huru taa ê. Ua riro ïa te mau huru maitatai e te mau ravea a te Atua, tei faaitehia i roto i te Bibilia, ei tumu parau haapiiraa faufaa roa. E fatata ’tu â tatou i te Atua maoti te feruriruriraa i te ravea e faaite ai Iehova i to ’na mau huru maitatai taitahi, te hi‘oraa mea nafea to Iesu Mesia peeraa i te reira ma te tia roa, e te taaraa e nafea tatou e faahotu atoa ’i i te reira. E ite mai tatou e e Arii parau-tia e te tia roa o te ao taatoa o Iehova. Hau atu â, o oia te Metua ta tatou paatoa e hinaaro ra. No to ’na puai, to ’na parau-tia, to ’na paari, e to ’na aroha, eita roa ’tu oia e faarue i ta ’na mau tamarii taiva ore.

Ia tauturu teie buka ia outou ia haafatata ’tu â i te Atua ra o Iehova, ia faatupu i te taairaa e oia o te ore roa ’tu e mutu e ia ora noa outou no te arue ia ’na e a muri noa ’tu.

Te feia nenei