Eaha to roto?

Mau faaho'iraa ê

Tapura tumu parau

Ite no Iehova

Tahiti

Eaha ta te Bibilia e haapii mau ra?

Teie anei ta te Atua i opua?

Teie anei ta te Atua i opua?

A TAIO na i te tahi vea. A hi‘o na i te afata teata, aore ra a faaroo na i te radio. Mea rahi roa te parau o te ohipa ino, te tama‘i, e te ohipa totoaraa! A feruri na i to outou iho mau ahoaho. Peneia‘e te ahoaho roa nei outou no te ma‘i aore ra ua pohe tei herehia. E tuea paha to outou mana‘o e to te taata maitai ra o Ioba, tei parau e “te î ra” oia “i te ati.”—Ioba 10:15, Te Bibilia Mo’a V.C.J.S. (1976)

A ui na ia outou iho:

  • Teie anei ta te Atua i opua no ’u e no te toea o te huitaata?

  • Ihea e itea ’i ia ’u te tauturu no te faaruru i to ’u mau fifi?

  • Te vai ra anei te tahi tiaturiraa e e tupu te hau i te fenua nei ia tae i te hoê mahana?

Te pahono ra te Bibilia ma te au i tera mau uiraa.

 TE HAAPII RA TE BIBILIA E E FAATUPU TE ATUA I TEIE MAU TAUIRAA I TE FENUA NEI.

“Na te Atua e horoi i to ratou roimata atoa; e e ore roa te pohe, e te oto, e te mihi, e te mauiui.”—Apokalupo 21:4

“Ei reira te pirioi e ou‘au‘a noa ’i mai te aili.”—Isaia 35:6

“Ei reira e faaaraarahia ’i te mata o te matapo ra.”—Isaia 35:5

 “E [haere mai] te feia atoa i roto i te apoo ra . . . i rapae.”—Ioane 5:28, 29

“E ore hoi to reira e parau e, Ua paruparu vau i te ma‘i.”—Isaia 33:24

“E riro hoi e maa sitona tei te fenua.”—Salamo 72:16

 A HAAFAUFAA I TE MAU HAAPIIRAA BIBILIA

Eiaha e ru i te hi‘o i te mau mea i vauvauhia i to na mua ’tu mau api ei moemoeâ noa. Ua fafau te Atua i te faatupu i tera mau mea, e te faataa ra te Bibilia e nafea oia.

E ere râ tera ana‘e ta te Bibilia e rave. E ravea atoa te reira e fana‘o ai outou i te hoê oraraa oaoa mau i teie nei atoa. A feruri na maa taime i to outou iho mau tapitapi e ahoaho, mai te ereraa i te moni, te fifi utuafare, te ma‘i, aore ra te pohe o te hoê taata here. E nehenehe te Bibilia e tauturu ia outou ia faaruru i te mau fifi i teie mahana, e e tamǎrû ia outou ma te pahono i teie mau uiraa:

  • No te aha tatou e mauiui ai?

  • E nafea tatou e nehenehe ai e faaruru i te mau tapitapi o te oraraa?

  • E nafea to tatou oraraa utuafare e oaoa ’tu â ’i?

  • Eaha te tupu i nia ia tatou ia pohe tatou?

  • E farerei faahou anei tatou i to tatou feia here i pohe?

  • E nafea tatou e papu ai e e faatupu te Atua i ta ’na mau parau fafau no a muri a‘e?

 A taio ai outou i teie buka, te faaite ra ïa outou e e hinaaro outou e ite eaha ta te Bibilia e haapii ra. E tauturu teie buka ia outou. E uiraa to te mau paratarafa. E mau mirioni tei au i te aparau i te Bibilia e te mau Ite no Iehova ma te mau uiraa e te mau pahonoraa. Te tiaturi nei matou e e au atoa outou. Ia haamaitai te Atua ia outou a fana‘o ai outou i teie nei i te haamaitairaa faahiahia e te oaoa e ite i ta te Bibilia e haapii mau ra!

No te ite atu â

HAAPIIRAA BIBILIA

Eaha te ravehia i te hoê haapiiraa Bibilia?

E pûpû te Ite no Iehova na te ao nei i te hoê porotarama haapiiraa Bibilia tamoni ore. A hi‘o i te tereraa o te reira.