Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Haapotoraa no roto mai Eaha ta te Bibilia e haapii mai?

8. Eaha te Basileia o te Atua?

8. Eaha te Basileia o te Atua?

1 E FAATERERAA MAU TE BASILEIA O TE ATUA

“Ia tae to oe ra basileia. Ia haapaohia to oe hinaaro i te fenua nei mai tei te ra‘i atoa na.”—Luka 11:2-4

Eaha te Basileia o te Atua?

  • Apokalupo 11:15

    E faatere te Basileia o te Atua, aore ra ta ’na faatereraa arii, i te fenua mai te ra‘i mai.

  • Apokalupo 17:14

    O Iesu te Arii o te Faatereraa arii a te Atua.

  • Apokalupo 14:1, 4

    E 144 000 taata o te faatere e o Iesu mai te ra‘i mai.

  • Hebera 4:15; 5:8

    Ua taa ia Iesu e i na 144 000 taata i to tatou huru e te fifi ta tatou e faaruru ra.

2 O IESU TE FAATERE MAITAI ROA ’‘E

“E haava râ oia i te taata rii ma te parau-tia.”—Isaia 11:4

No te aha o Iesu te Arii maitai roa ’‘e o te Faatereraa arii?

  • Roma 6:9

    E pohe te mau faatere taata, area o Iesu eita roa ïa. Mea mure ore te mau maitai atoa ta Iesu e rave no tatou.

  • Isaia 11:2-4

    Mea rahi a‘e te maitai ta Iesu e rave i ta te tahi atu faatere taata. Noa ’tu e amuihia te mau faatere taata atoa, e mana rahi a‘e to Iesu. E rave noa Iesu i te mea tia e mea hamani maitai oia.

3 E ARA TE FAATERERAA ARII IA TUPU TE HINAARO O TE ATUA

“E faatupu ai te Atua o te ra‘i ra i te hoê basileia, o te ore roa ïa e mou.”—Daniela 2:44

Eaha ta te Faatereraa arii i rave ê na? Eaha ta ’na e rave a muri a‘e?

  • Apokalupo 12:7-12

    I to ’na ariiraa mai i 1914, ua tiavaru Iesu ia Satani i te ra‘i e ua huri ia ’na i raro i te fenua nei. No reira i rahi roa ’i te ati, te oto e te mauiui na te ao nei.

  • Koheleta 8:9; Apokalupo 16:16

    I Aramagedo, e haamou te Faatereraa arii a te Atua i ta te taata mau faatereraa haavî e te ino mau.

  • Salamo 37:10

    E haamouhia te feia o te tamau i te rave i te ohipa ino.

  • Apokalupo 22:1-3

    Ia faatere te Faatereraa arii a te Atua i te fenua, eita te taata e ma‘ihia e e pohe. E haamo‘a te taata atoa i te i‘oa o te Atua.