Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Haapotoraa no roto mai Eaha ta te Bibilia e haapii mai?

6. Eaha te tupu ia pohe tatou?

6. Eaha te tupu ia pohe tatou?

1 UA POHE ANA‘E TE TAHI TAATA, UA FAAEA O ’NA I TE ORA

“Aita râ a te feia i pohe ra e parau itea.”—Koheleta 9:5

Eaha te tupu ia pohe tatou?

  • Koheleta 3:20; 9:6, 10

    Eita te feia pohe e ite, e faaroo e e feruri faahou.

  • Ioane 11:11-14

    Ua faahoho‘a Iesu te pohe i te taoto.

2 AITA ROA O IEHOVA I HINAARO IA POHE TE TAATA

“Area i to te raau e ite ai i te maitai e te ino, eiaha oe e amu i te reira; ei te mahana e amu ai oe i te reira, e pohe ïa oe.”—Genese 2:17

No te aha tatou e pohe ai?

  • Genese 3:1-6

    Ua haavare Satani no nia i te tupu ia ore Eva e haapao i ta te Atua faaueraa. I to raua Adamu faaroo-ore-raa ia Iehova, ua hara raua e ua pohe i muri a‘e.

  • Genese 3:19

    I to ’na poheraa, ua faaea Adamu i te ora.

  • Roma 5:12

    E au te hara i te hoê ma‘i tupuna ino mau no ǒ mai i to tatou na metua matamua. Ua fanauhia tatou paatoa ei feia hara e no reira tatou e pohe ai.

  • Korinetia 1, 15:26

    Te parau ra te Bibilia e enemi te pohe.

3 MA TE ITE I TE PARAU MAU, EITA TATOU E HAAVAREHIA

“Ia pohe te taata nei, e ora faahou anei? E tiai au . . . e ia tae i te taime e faaho‘ihia ’i au ra.”—Ioba 14:14

Eita tatou e haavarehia e teihea mau haapiiraa hape no nia i te pohe?

  • Ioane 1, 4:8

    Te faaino ra te haapiiraa no nia i te po auahi ia Iehova. Eita roa oia e haamauiui i te taata mai tera.

  • Apokalupo 4:11

    No to ratou riaria, o te feia pohe ta ratou e haamori, eiaha râ o Iehova. O Iehova te Atua mau, o ’na ana‘e te tia ia haamori.