Eaha to roto?

Mau faaho'iraa ê

Tapura tumu parau

Ite no Iehova

Tahiti

Haapotoraa no roto mai Eaha ta te Bibilia e haapii mai?

5. O te hoo te ô faufaa roa ’‘e no ǒ mai i te Atua

5. O te hoo te ô faufaa roa ’‘e no ǒ mai i te Atua

1 E HINAARO TATOU PAATOA I TE HOO

“I haere mai [te Tamaiti a te taata] . . . ia horoa i to ’na ora ei hoo no te taata e rave rahi.”—Mataio 20:28

No te aha tatou e hinaaro ai i te hoo?

  • Genese 3:17-19

    I to Adamu faaroo-ore-raa i te Atua, ua ere oia i to ’na auhoaraa taa ê e o Iehova, te ora tia roa e to ’na nohoraa, te paradaiso.

  • Roma 5:12

    No ta Adamu i rave, ua naeahia tatou i te hara e te pohe.

  • Ephesia 1:7

    Te hoo, o te ravea a Iehova no te faaora mai i te taata i te hara e te pohe.

2 NA IEHOVA I HOROA I TE HOO

“O te Atua i tono mai i ta ’na Tamaiti fanau tahi i te ao nei, ia ora tatou ia ’na.”—Ioane 1, 4:9

Mea nafea o Iehova i te horoaraa i te hoo?

  • Salamo 49:7, 8

    Eita roa te hoê i rotopu ia tatou e nehenehe e aufau i te hoo no te ora tia roa ta Adamu i ere.

  • Luka 1:35

    Ua tono mai o Iehova i ta ’na Tamaiti here i te fenua ia fanauhia ei taata tia roa.

  • Hebera 9:24

    I muri a‘e i to ’na tia-faahou-raa, ua ho‘i Iesu i te ra‘i e i reira, ua pûpû ia Iehova i te hoo, to ’na ora faufaa mau ei taata tia roa.

3 TE HOÊ TIATURIRAA PAPU MAOTI TE HOO

“Na te Atua e horoi i to ratou roimata atoa; e e ore roa te pohe.”—Apokalupo 21:4

Eaha te mau maitai ta tatou e fana‘o maoti te hoo?

  • Ioane 1, 1:8, 9

    E nehenehe ta tatou mau hara e faaorehia.

  • Hebera 9:13, 14

    E nehenehe tatou e fana‘o i te hoê mana‘o haava maitai i mua i te Atua.

  • Roma 6:23

    E nehenehe e tiaturi e fana‘o i te ora mure ore.

  • Galatia 2:20

    Te haapapu ra te hoo te here mau ra o Iehova e o Iesu ia tatou.

4 E TITAUHIA IA FAATUPU I TE FAAROO I TE HOO

“Ua tae roa [te Atua] i te horoa mai i ta ’na Tamaiti fanau tahi, ia ore ia pohe te faaroo ia ’na ra, ia roaa râ te ora mure ore.”—Ioane 3:16

E nafea ia faaite i to tatou mauruuru i te hoo, te ô no ǒ mai i te Atua?

  • Ioane 17:3

    A haapii o vai o Iehova e o Iesu e a pee i to raua hi‘oraa.

  • Luka 22:19

    A haere i te Oroa haamana‘oraa i te pohe o te Mesia i te mau matahiti atoa.

  • Ioane 3:36; Iakobo 2:26

    Eiaha e parau noa te tiaturi ra tatou ia Iesu. E tia atoa râ ia rave i ta ’na i haapii mai ia rave.