Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Haapotoraa no roto mai Eaha ta te Bibilia e haapii mai?

3. Eaha te opuaraa a te Atua no te huitaata?

3. Eaha te opuaraa a te Atua no te huitaata?

1 E TUMU TE ATUA I POIETE AI IA TATOU

“E parahi te feia parau-tia i nia i te fenua, e parahi tamau â ratou i reira.”—Salamo 37:29

Eaha te opuaraa a te Atua no te huitaata?

  • Genese 1:28

    Ua hinaaro te Atua ia fanau te taata i te tamarii e ia faariro ratou i te fenua ei paradaiso e ia haapao atoa i te mau animara.

  • Isaia 46:9-11; 55:11

    E faatupu te Atua i ta ’na i opua e eita roa te tahi mea e nehenehe e tapea ia ’na.

2 E ERE TE ATUA TE FAATERE RA I TE AO

“Te vai noa nei to te ao atoa i raro a‘e i taua varua ino ra.”—Ioane 1, 5:19

O vai te faatere ra i te ao?

  • Ioane 12:31

    Ua pii Iesu ia Satani, te arii o teie nei ao.

  • Iakobo 1:13-15

    Ua faahinaaro Satani i te au ia Iehova ana‘e.

  • Genese 2:17; 3:1-6

    Ua haavarehia Eva e Satani, ua faaroo ore Adamu raua Eva i te Atua e ua pohe i muri a‘e.

  • Roma 3:23; 5:12

    E pohe tatou no te mea ua naeahia tatou i te hara, aore ra te huru tia ore, o Adamu.

  • Korinetia 2, 4:3, 4

    Te haavare ra Satani i te taata.

3 E FAAAFAROHIA TE MAU FIFI ATOA

“Ia tae to oe ra hau. Ia haapaohia to oe hinaaro i te fenua nei.”—Mataio 6:10

Eaha ta Iehova e rave?

  • Daniela 2:44

    E haamou te faatereraa a te Atua i te mau faatereraa atoa o te ao.

  • Apokalupo 16:14-16

    E haamou te Atua i teie nei ao ino i Aramagedo.

  • Isaia 9:6, 7

    Ua maiti o Iehova ia Iesu ei Arii no ta ’na Faatereraa arii i te ra‘i no te faatere i te fenua.

4 E RIRO TE FENUA EI PARADAISO

“Te heheu nei oe i to rima, e te haamâha nei i te hiaai o te mau mea ora atoa nei.”—Salamo 145:16

Eaha ta te Faatereraa arii a te Atua e rave no tatou?

  • Salamo 46:9

    E faaore i te tama‘i, te mau ohipa iino e te taparahiraa taata.

  • Isaia 32:18; 65:21-24

    I roto i te ao apî, e fana‘o te taata atoa i te fare e te hoê aua nehenehe e e ora ratou ma te hau.

  • Salamo 72:16

    E auhune te maa.

  • Isaia 11:6-9

    E tupu te hau i rotopu i te taata e te mau animara.

  • Isaia 33:24; Ohipa 24:15

    Eita te taata e ma‘ihia e e tia faahou mai tei pohe.