Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Haapotoraa no roto mai Eaha ta te Bibilia e haapii mai?

18. E tia anei ia pûpû vau i to ’u ora i te Atua e ia bapetizohia?

18. E tia anei ia pûpû vau i to ’u ora i te Atua e ia bapetizohia?

1 E TIA ANEI IA BAPETIZO VAU IA ’U?

“Inaha teie e pape, eaha te mea e ore e tia ’i ia bapetizo ia ’u?”—Ohipa 8:36

No te aha e tia ia bapetizo ia oe e mai te aha te tereraa o te bapetizoraa?

E faaite te bapetizoraa ua faarue oe i to oe huru tahito e i teie nei, e rave oe i te hinaaro o te Atua i te toea o to oe oraraa.

  • Mataio 28:19, 20

    Ia bapetizohia oe no te riro ei tavini no Iehova.

  • Salamo 40:8

    E faaite te bapetizoraa i te taata te hinaaro ra oe e tavini i te Atua.

  • Mataio 3:16

    Mai tei ravehia i nia ia Iesu, e taumihia to oe tino taatoa i roto i te pape.

2 EITA O IEHOVA E TITAU I TE ORE E MARAA IA OE

“Teie hoi te hinaaro i te Atua, o te haapao i ta ’na ra parau: e ere hoi ta ’na parau i te mea teimaha.”—Ioane 1, 5:3

No te aha eiaha ia taiâ i te pûpû ia oe ia Iehova?

  • Salamo 103:14; Isaia 41:10

    Eita e titauhia ia riro ei taata tia roa no te pûpû ia oe ia Iehova. Na ’na e tauturu atu ia rave i te mea tia.

  • Kolosa 1:10

    Na to oe here ia Iehova e tauturu atu eiaha e taiâ faahou i te faaoto ia ’na.

3 TE TIA IA RAVE HOU TE BAPETIZORAA

“E mea au na ’u te rave i to oe hinaaro, e tau Atua; te vai nei hoi ta oe ture tei roto i to ’u nei aau.”—Salamo 40:8

Eaha te titauhia ia rave no te pûpû ia oe ia Iehova?

  • Ioane 17:3

    A HAAPII I TE PARAU A TE ATUA

    Ia ite oe o vai o Iehova e o Iesu Mesia. Rahi atu â oe i te haapii no nia ia raua, rahi atu â oe i te here ia raua.

  • Hebera 11:6

    A FAATUPU I TE FAAROO

    A tiaturi i te mau parau fafau a te Atua, oia atoa e faaorahia tatou i te hara e te pohe maoti te tusia o Iesu.

  • Ohipa 3:19

    A TATARAHAPA

    Te auraa, ia farii mea ino mau te hara ta oe i rave.

    A FARIU

    Ê Te auraa, e haapae oe i te haerea ino e e rave atoa râ i te mea tia.

  • Petero 1, 4:2

    A PÛPÛ I TO OE ORA

    Na roto i te pure, a pûpû i to oe ora ia Iehova ma te parau o ’na ana‘e ta oe e haamori e to ’na hinaaro te mea faufaa roa ’‘e i roto i to oe oraraa.