Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Haapotoraa no roto mai Eaha ta te Bibilia e haapii mai?

16. A maiti i te haamori i te Atua mai ta ’na e titau mai ra

16. A maiti i te haamori i te Atua mai ta ’na e titau mai ra

1 A FAATAA Ê IA OE I TE HAAPAORAA HAPE

“E haere mai outou i rapae au mai roto mai ia ratou ra, ia taa ê outou, e eiaha e rave noa ’tu i te mea viivii.”—Korinetia 2, 6:17

No te aha mea ino ia haamori i te tii, ia rave i te tahi ohipa no te tamǎrû i te feia pohe aore ra ia ani i ta ratou tauturu?

  • Exodo 20:4, 5; Ioane 1, 5:21

    Eita o Iehova e hinaaro ia faaohipa tatou i te hoho‘a aore ra te tii no te haamori ia ’na.

  • Deuteronomi 18:10-12

    Te feia e paraparau i tei pohe, te paraparau ra ïa i te mau demoni.

2 EITA TE ATUA E FARII I TE MAU OROA ATOA

“Ia itea ia outou te mea au i te Fatu.”—Ephesia 5:10

E nafea ia ite e nehenehe oe e apiti atu i te tahi oroa?

  • Ezekiela 44:23; Korinetia 2, 6:14, 15

    A hi‘opoa no ǒ mai anei te reira i te mau nunaa o te haamori e rave rahi atua.

  • Exodo 32:2-10

    Noa ’tu e mana‘o maitai to te feia i faatupu i te oroa, e ere te auraa te mauruuru ra te Atua i te reira.

  • Daniela 3:1-27

    Eiaha e apiti i te mau oroa o te faahanahana i te taata, i te tahi faanahoraa a te taata aore ra i te tahi tao‘a here ai‘a.

  • Timoteo 1, 1:18, 19

    Noa ’tu na oe e rave i te faaotiraa, a ara ia maitai noa to oe mana‘o haava i te aro o Iehova.

3 A FAAITE I TE MǍRÛ A FAATAA ’I I TA OE MAU TIATURIRAA

“Ei parau mǎrû maitai ana‘e â ta outou, ia rapaauhia i te miti ra i te ite, ia ite outou i te mea tia ia parau atu i te taata atoa.”—Kolosa 4:6

Eaha te tia ia oe ia rave no te faataa ia vetahi ê i ta oe mau tiaturiraa?

  • Mataio 7:12

    A faatura i ta ratou faaotiraa mai ia oe e hinaaro ia faatura ratou i ta oe.

  • Timoteo 2, 2:24

    A faaite noa i te mǎrû e eiaha e mârô ia ore vetahi ê e farii i ta oe mau tiaturiraa.

  • Petero 1, 3:15

    A faataa i ta oe mau tiaturiraa ma te mǎrû e te faatura.

  • Hebera 10:24, 25

    I te mau putuputuraa Kerisetiano, e faaitoitohia oe e e tauturu-atoa-hia ia ite eaha te pahono ia ui atu te taata no nia i ta oe mau tiaturiraa.