Eaha to roto?

Mau faaho'iraa ê

Tapura tumu parau

Ite no Iehova

Tahiti

Haapotoraa no roto mai Eaha ta te Bibilia e haapii mai?

16. A maiti i te haamori i te Atua mai ta ’na e hinaaro

16. A maiti i te haamori i te Atua mai ta ’na e hinaaro

1 EIAHA E FAAEA NOA I ROTO I TE HAAPAORAA HAPE

“A haere ê mai i rapae mai rotopu mai ia ratou, e a faataa ê mai ia outou . . . , atira i te tapea i te mea viivii.”—Korinetia 2, 6:17

No te aha mea ino ia faaohipa i te hoho‘a no te haamori i te Atua e ia pure no te feia pohe?

  • Exodo 20:4, 5; Ioane 1, 5:21

    Eita o Iehova e hinaaro ia faaohipa tatou i te hoho‘a no te haamori ia ’na.

  • Deuteronomi 18:10-12

    Te taata o te paraparau i te feia pohe, te paraparau ra ïa i te mau demoni.

2 EITA TE ATUA E FARII I TE MAU OROA ATOA

“A tamau i te imi i ta te Fatu e farii.”—Ephesia 5:10

E nafea ia ite e nehenehe oe e apiti atu i te tahi oroa?

  • Ezekiela 44:23; Korinetia 2, 6:14, 15

    A hi‘opoa no ǒ mai anei te reira i te mau nunaa o te haamori e rave rahi atua.

  • Exodo 32:2-10

    Noa ’tu e mana‘o maitai to te feia i faatupu i te oroa, e ere te auraa te farii ra te Atua i te reira.

  • Daniela 3:1-27

    Eiaha e apiti i te oroa here ai‘a, oia atoa i te faahanahana i te taata aore ra i te tahi faanahonahoraa a te taata.

  • Timoteo 1, 1:18, 19

    A faaite i te mana‘o tano e a tapea noa i te hoê mana‘o haava maitai i te aro o Iehova.

3 A HAMANI MAITAI NOA NO TE FAATAA I TA OE E TIATURI RA

“Ei parau nehenehe noa ta outou e te tamitihia, ia ite hoi outou e nafea ia pahono i te taata tataitahi.”—Kolosa 4:6

E nafea oe ia faataa ia vetahi ê i ta oe e tiaturi ra?

  • Mataio 7:12

    A faatura i ta ratou faaotiraa mai ia oe e hinaaro ia faatura ratou i ta oe.

  • Timoteo 2, 2:24

    A hamani maitai noa e eiaha e mârô ia ore vetahi ê e farii i ta oe e tiaturi ra.

  • Petero 1, 3:15

    A paturu i ta oe e tiaturi ra ma te mǎrû e te faatura.

  • Hebera 10:24, 25

    I te mau putuputuraa Kerisetiano, e faaitoitohia oe e e tauturu-atoa-hia ia ite eaha te pahono ia ui atu te taata no nia i ta oe e tiaturi ra.