Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Haapotoraa no roto mai Eaha ta te Bibilia e haapii mai?

15. Ta te Atua e titau ra no te haamori ia ’na

15. Ta te Atua e titau ra no te haamori ia ’na

1 NO TE ITE TEIHEA TE HAAPAORAA MAU

“Te apǐapǐ râ o te uputa e te piri hoi o te e‘a e tae atu ai i te ora, e te iti hoi o te feia i ite atu i te reira!”—Mataio 7:14

E nafea ia ite eita te Atua e farii i te mau haapaoraa atoa?

  • Mataio 7:21-23

    Eita te Atua e farii i te mau haapaoraa atoa o te ore e rave i to ’na hinaaro.

  • Mataio 7:13, 14

    E aratai te haapaoraa mau i te ora mure ore, area te haapaoraa hape, i te haamouraa mure ore.

  • Mataio 7:16, 17

    E ite oe teihea te haapaoraa mau na roto i te mau ohipa ta ’na e faatupu. Aita e faufaa ia hi‘opoa i te mau haapaoraa atoa, a haapii noa i ta te Bibilia e parau ra.

2 TA TE ATUA E TITAU RA NO TE HAAMORI IA ’NA

  • Tesalonia 1, 2:13; Timoteo 2, 3:16, 17

    A haapii e a tiaturi noa i te parauhia ra i roto i te Bibilia.

  • Mataio 4:10; Ioane 17:6

    A haamori ia Iehova e a faahiti i to ’na i‘oa.

  • Ioane 13:35

    A faaite i te here mau i nia i te tahi e te tahi.

  • Ioane 3:36; Ohipa 4:12

    A auraro ia Iesu, o ’na ta te Atua e faaohipa no te faaora ia tatou.

  • Ioane 18:36; Ohipa 5:29

    Eiaha ia amui atu i roto i te ohipa poritita.

  • Mataio 24:14; Luka 11:2

    A haapii ia vetahi ê o te Basileia o te Atua ana‘e, ta ’na Faatereraa arii, te ravea hoê no to tatou mau fifi.

3 A HAA IA AU I TA OE E TIATURI RA

Eaha te tia ia rave no te haamori i te Atua mai ta ’na e titau ra?

  • Iakobo 2:19

    Eita e navai ia tiaturi i te Atua. E tia atoa ia rave i ta ’na e parau ra i roto i te Bibilia.

  • Isaia 52:11; Apokalupo 17:5

    Eita te Atua e farii i ta te haapaoraa hape, aore ra “Babulonia rahi,” e haapii ra no te haamori ia ’na. Aita o ’na e mauruuru ra i te mau haapiiraa hape mai te Toru tahi, te po auahi e te tiaturiraa e ora ’tu te tahi mea ia pohe te taata.

  • Apokalupo 18:4, 8

    Fatata o Iehova i te haamou i te mau haapaoraa hape atoa. E titauhia ia faaea oe i te rave i te tahi noa ’‘e mea no roto mai i te haapaoraa hape.

  • Mareko 10:28-30

    E rave rahi te patoi atu, eita râ o Iehova e faarue ia oe.