Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

Haapotoraa no roto mai Eaha ta te Bibilia e haapii mai?

12. Eaha te rave no te riro ei hoa no te Atua?

12. Eaha te rave no te riro ei hoa no te Atua?

1 E FAAROO TE MAU HOA O IEHOVA IA ’NA

“E faaroo mai outou i to ’u nei reo; e riro ïa vau ei Atua no outou i reira, e riro hoi outou ei taata no ’u.”—Ieremia 7:23

E nehenehe anei e riro ei hoa no te Atua?

  • Genese 22:18; Iakobo 2:23

    Ua riro Aberahama ei hoa, aore ra taua, no Iehova no te mea ua auraro oia i te Atua e ua faatupu i te faaroo ia ’Na.

  • Paraleipomeno 2, 16:9

    E tauturu o Iehova i te feia o te auraro ia ’na.

  • Salamo 25:14; 32:8

    Te horoa ra o Iehova i te haroaroa i to ’na mau hoa.

  • Salamo 55:22

    E tauturu o Iehova i to ’na mau hoa.

2 E HOA IOBA NO TE ATUA E AITA OIA I TAIVA IA ’NA

“Aore Ioba i harahia i taua mau mea atoa nei, e aore hoi i faahapa i te Atua.”—Ioba 1:22

Eaha ta Satani i rave no te tairi ia Ioba e eaha te huru o Ioba?

  • Ioba 1:10, 11

    Ua parau Satani ua tavini Ioba i te Atua no te mau maitai ta ’na e fana‘o ra, eiaha râ no to ’na here i te Atua.

  • Ioba 1:12-19; 2:7

    Ua vaiiho o Iehova ia rave ê Satani i te mau mea atoa a Ioba e ua tairi atoa Satani ia ’na i te hoê ma‘i ino mau.

  • Ioba 27:5

    Aita Ioba i ite i te tumu i mauiui rahi ai o ’na, aita râ oia i taiva noa ’‘e.

3 TE TAMATA RA SATANI I TE HAAFARIU Ê IA OE IA IEHOVA

“E riro hoi ta te taata atoa ra ei hoo i to ’na ora.”—Ioba 2:4

Eaha ta Satani e rave ia mutu to tatou auhoaraa e o Iehova?

  • Korinetia 2, 11:14

    E turai Satani ia tatou eiaha e auraro ia Iehova.

  • Maseli 24:10

    E turai mai oia ia mana‘o eita e tia ia tatou ia tavini ia Iehova.

  • Petero 1, 5:8

    E hamani ino Satani ia tatou.

  • Maseli 27:11

    A maiti i te auraro ia Iehova e a riro ei hoa taiva ore no ’na. E haapapu ïa oe o Satani tei haavare.

4 E AURARO TATOU IA IEHOVA NO TO TATOU HERE IA ’NA

“Teie hoi te hinaaro [aore ra here] i te Atua, o te haapao i ta ’na ra parau: e ere hoi ta ’na parau i te mea teimaha.”—Ioane 1, 5:3

Eaha te rave ia riro oe ei hoa no Iehova?

  • Deuteronomi 6:5

    A here i te Atua. Na te reira e turai ia oe ia auraro ia ’na.

  • Isaia 48:17, 18

    A auraro ia Iehova, e maitai-noa-hia oe.

  • Deuteronomi 30:11-14

    Ia papu ia oe, eita roa o Iehova e ani atu ia rave i te tahi mea o te ore e maraa ia oe.

  • Korinetia 2, 4:7

    A rave i te mea maitai, e horoa ’tu o Iehova i te puai e titauhia.