Eaha to roto?

Mau faaho'iraa ê

Tapura tumu parau

Ite no Iehova

Tahiti

Eaha ta te Bibilia e haapii mai?

Eaha te hinaaro o te Atua no tatou?

Eaha te hinaaro o te Atua no tatou?

I ROTO i te vea, te afata teata e te radio, e ite e e faaroo oe te tupu ra e rave rahi ohipa iino, te tama‘i e te ohipa totoaraa. Peneia‘e, te mauiui atoa ra oe no te ma‘i aore ra no te mea ua pohe tei herehia.

A uiui na:

  • Tera anei ta te Atua e hinaaro no ’u e no to’u utuafare?

  • Ihea vau e fana‘o ai i te tauturu no te faaruru i te fifi?

  • E tupu anei te hau i te hoê mahana?

Te horoa ra te Bibilia i te pahonoraa papu i teie mau uiraa.

 TE HAAPII RA TE BIBILIA E FAATUPU TE ATUA I TE MAU OHIPA FAAHIAHIA I NIA I TE FENUA.

  • Eita te taata e mauiui, e ruau e e pohe faahou.—Apokalupo 21:4

  • “Ei reira te pirioi e ou‘au‘a noa ’i mai te aili.”—Isaia 35:6

  • “Ei reira e faaaraarahia ’i te mata o te matapo.”—Isaia 35:5

  •  E tia faahou mai tei pohe.—Ioane 5:28, 29

  • Eita te taata e ma‘ihia.—Isaia 33:24

  • E fana‘o te taata atoa i nia i te fenua i te maa.—Salamo 72:16

 IA FAUFAAHIA OE I TA TE BIBILIA E HAAPII MAI

Mea ohie ia mana‘o e moemoeâ noa ta oe i taio i te mau api na mua ’tu. Ua fafau râ te Atua fatata roa oia i te faatupu i tera mau tauiraa i nia i te fenua. Te faataa atoa ra te Bibilia e nafea o ’na e faatupu ai i te reira.

E ere râ tera ana‘e, te faaite atoa ra hoi te Bibilia eaha te tia ia ite no te oaoa mau i teie nei â. A feruri na no te mau mea o ta oe e haapeapea ra. Mai te moni paha, te mau hinaaro o to oe utuafare, te ma‘i aore ra no te mea ua pohe tei herehia. E nehenehe te Bibilia e tauturu atu ia faaruru i tera mau fifi e e tamahanahanahia oe na roto i ta ’na mau pahonoraa i te mau uiraa mai teie:

 I te mea te taio ra oe i teie buka, e tapao faaite ïa te hinaaro ra oe e ite i ta te Bibilia e haapii mai. E tauturu te mau uiraa e paratarafa o teie buka ia taa ’tu â i te Bibilia. E mirioni taata o tei oaoa i te aparau i nia i te Bibilia na muri i te mau Ite no Iehova. Te tiaturi nei matou e na reira atoa oe! Ia haamaitai atu te Atua a hi‘opoa noa ’i oe eaha ta te Bibilia e haapii mai!