Eaha to roto?

E nafea to tatou utuafare e oaoa ’i?

E nafea to tatou utuafare e oaoa ’i?

Maoti anei . . .

  • te here?

  • te moni?

  • te tahi atu mea?

 TA TE BIBILIA E PARAU RA

“Mea oaoa a‘e te feia e faaroo e e haapao i te parau a te Atua!”—Luka 11:28, Huriraa o te ao apî.

EAHA TE AURAA NO OE?

Te iteraa i te here mau.—Ephesia 5:28, 29.

Te noaaraa i te faatura mau.—Ephesia 5:33.

Te fana‘oraa i te auhoêraa mau.—Mareko 10:6-9.

 E NEHENEHE ANEI E TIATURI I TA TE BIBILIA E PARAU RA?

E. Teie e piti tumu:

  • O te Atua te Tumu o te oraraa utuafare. Ia au i te Bibilia, maoti te Atua ra o Iehova i ‘mairihia ’i te i‘oa o te mau fetii atoa.’ (Ephesia 3:14, 15) Te vai ra ïa te oraraa utuafare no te mea ua haamau Iehova i te reira. E tumu faufaa teie. No te aha?

    A feruri na: Ia amu oe i te maa au mau e ia hinaaro oe e ite eaha tei tuuhia i roto, o vai ta oe e uiui? I te taata iho â i faaineine i te reira.

    Oia atoa, no te ite eaha te titauhia ia oaoa to tatou utuafare, mea maitai ia imi i ta Iehova aratairaa. O ’na hoi te Tumu o te oraraa utuafare.—Genese 2:18-24.

  • Te tâu‘a ra te Atua ia outou. E haerea paari ia imi te utuafare i te a‘oraa a Iehova i roto i ta ’na Parau. No te aha? “No te mea te tâu‘a mai ra oia ia outou.” (Petero 1, 5:6, 7) E maitai noa outou ia pee outou i ta Iehova mau a‘oraa. Tera hoi ta ’na e hinaaro ra.—Maseli 3:5, 6; Isaia 48:17, 18.

 A FERURI NA

E nafea ia riro ei tane faaipoipo, vahine faaipoipo aore ra metua maitai?

Tei roto te pahonoraa i te EPHESIA 5:1, 2 e te KOLOSA 3:18-21.