Eaha to roto?

Mau faaho'iraa ê

Ite no Iehova

Tahiti

E ore roa anei te mauiui?

E ore roa anei te mauiui?

E parau anei oe . . .

  • e?

  • eita?

  • peneia‘e?

 TA TE BIBILIA E PARAU RA

“Na te Atua e horoi i to ratou roimata atoa; e e ore roa te pohe, e te oto, e te mihi, e te mauiui.”—Apokalupo 21:3, 4, Te Bibilia Mo‘a ra.

EAHA TE AURAA NO OE?

Te haapapuraa e ere te Atua te tumu o to tatou mau fifi.—Iakobo 1:13.

Te tamahanahanaraa i te ite i to te Atua huru aau a mauiui ai tatou.—Zekaria 2:8.

Te tiaturiraa e e ore roa te mau mauiui atoa.—Salamo 37:9-11.

 E NEHENEHE ANEI E TIATURI I TA TE BIBILIA E PARAU RA?

E. Teie e piti tumu:

  • Mea riri na te Atua te mauiui e te ohipa tia ore. A hi‘o na i to Iehova huru a hamani-ino-hia ’i to ’na nunaa i tahito ra. Ia au i te Bibilia, ua haapeapea o ’na no to ’na nunaa no “te feia i haafao [aore ra haavî] ia ratou.”—Te mau tavana 2:18.

    Mea riri roa na Iehova te feia e haamauiui ra ia vetahi ê. Ei hi‘oraa, ia au i te Bibilia, te riri nei o ’na i “te rima i manii ai te toto hara ore.”—Maseli 6:16, 17.

  • Te tâu‘a ra te Atua ia tatou taitahi. Ua ite te taata taitahi i “to ’na iho ino e to ’na iho ati.” O Iehova atoa ïa!—Paraleipomeno 2, 6:29, 30.

Na roto i to ’na Basileia, fatata Iehova i te faaore roa i te mauiui o te taata taitahi. (Mataio 6:9, 10) A tiai ai râ, te tamahanahana nei oia i te feia e imi ra ia ’na.—Ohipa 17:27; Korinetia 2, 1:3, 4.

 A FERURI NA

No te aha te Atua e vaiiho noa ’i i te mauiui?

Tei roto te pahonoraa i te ROMA 5:12 e te PETERO 2, 3:9.

No te ite atu â

PARAU APÎ OAOA A TE ATUA

No te aha te Atua e vaiiho noa ’i i te ino e te mauiui?

Nohea mai te ino, e no te aha te Atua e vaiiho noa ’i i te reira? E ore roa anei te mauiui?