Eaha to roto?

Mau faaho'iraa ê

Ite no Iehova

Tahiti

Eaha te Basileia o te Atua?

Eaha te Basileia o te Atua?

E parau anei oe . . .

  • e mea i roto i te aau?

  • e faaauraa parau?

  • e faatereraa i te ra‘i?

 TA TE BIBILIA E PARAU RA

‘E faatupu te Atua o te ra‘i ra i te hoê basileia, o te ore roa ïa e mou.’—Daniela 2:44, Te Bibilia Mo‘a ra.

“Ua horoahia mai te hoê tamaiti na tatou; ei nia i to ’na ra tapono te hau [aore ra faatereraa] vai ai.”—Isaia 9:6.

EAHA TE AURAA NO OE?

  •  Te hoê faatereraa parau-tia o ta oe e fana‘o.—Isaia 48:17, 18.

  • I roto i te ao apî i mua nei, te ora ma te ea tia roa e ma te oaoa.—Apokalupo 21:3, 4.

 E NEHENEHE ANEI E TIATURI I TA TE BIBILIA E PARAU RA?

E. Teie e piti tumu:

  • Ua faaite Iesu i ta te Basileia o te Atua e rave. Ua haapii Iesu i ta ’na mau pǐpǐ ia pure ia tae mai te Basileia o te Atua e ia tupu to ’Na hinaaro i nia i te fenua nei. (Mataio 6:9, 10) Ua faataa Iesu e nafea taua pure ra e pahonohia ’i.

    A ora ai Iesu i nia i te fenua, ua faatamaa oia i tei poia, ua faaora i te feia ma‘i e ua faatia faahou mai i tei pohe! (Mataio 15:29-38; Ioane 11:38-44) No te mea e riro Iesu ei arii o te Basileia o te Atua, ua horoa oia i te hoê faaiteraa nehenehe mau o ta te Basileia e rave no ta ’na mau tavini.—Apokalupo 11:15.

  • Te haapapu ra te mau tupuraa na te ao nei e fatata te Basileia o te Atua i te tae mai. Ua tohu Iesu hou te Basileia a hopoi ai i te hau i nia i te fenua, e faaruru te taata i te tama‘i, te o‘e e te aueueraa fenua.—Mataio 24:3, 7.

    Tera iho â ta tatou e ite ra i teie mahana. Papu maitai ïa e e fatata roa te Basileia o te Atua i te faaore i te mau fifi atoa.

 A FERURI NA

Mai te aha te huru o te oraraa i raro a‘e i te faatereraa o te Basileia o te Atua?

Tei roto te pahonoraa i te SALAMO 37:29 e te ISAIA 65:21-23.

No te ite atu â

PARAU APÎ OAOA A TE ATUA

Eaha te opuaraa a te Atua no te fenua?

Te faataa ra te Bibilia no te aha te Atua i poiete ai i te fenua, afea te mauiui e ore ai, eaha te a muri a‘e o te fenua, e o vai te ora i reira.