Eaha to roto?

O vai mau te faatere ra i teie nei ao?

O vai mau te faatere ra i teie nei ao?

No oe, o . . .

  • te Atua anei?

  • te taata anei?

  • Satani anei?

 TA TE BIBILIA E PARAU RA

“Te vai nei râ to te ao atoa i raro a‘e i te mana o te varua ino.”—Ioane 1, 5:19.

‘E faaore te Tamaiti a te Atua i te mau ohipa a te diabolo.’—Ioane 1, 3:8, Huriraa o te ao apî.

EAHA TE AURAA NO OE?

Tera iho â ïa te tumu o te mau fifi na te ao nei.—Apokalupo 12:12.

Mea papu e e taui te tupuraa o te ao nei.—Ioane 1, 2:17.

 E NEHENEHE ANEI E TIATURI I TA TE BIBILIA E PARAU RA?

E. Teie e toru tumu:

  • Aita ta Satani faatereraa i manuïa. E mana to Satani i nia i te huitaata. E mou râ te reira ia Iehova. Ua fafau oia “e haamou i te Diabolo” a faaore atu ai i te mau mauiui ta ’na i faatupu.—Hebera 2:14.

  • O Iesu ta te Atua i maiti no te faatere i te ao. Mea taa ê roa Iesu i te faatere ino e miimii o teie nei ao. No ta Iesu faatereraa, ua fafau te Atua: “E faaherehere oia i tei paruparu ra e tei veve . . . E faaora oia ia ratou i te haavare e te rave ino.”—Salamo 72:13, 14, Te Bibilia Mo‘a ra.

  • E ore te Atua e haavare. Te faaite papu ra te Bibilia: “E ore atoa e tia i te Atua ia haavare.” (Hebera 6:18, NWT) Ia tǎpǔ Iehova, e tupu iho â! (Isaia 55:10, 11) “E tiavaru oia i te arii o teie nei ao i rapae.”—Ioane 12:31.

 A FERURI NA

Eaha te tupu ia haamouhia te faatere o teie nei ao?

Tei roto te pahonoraa i te SALAMO 37:10, 11 e te APOKALUPO 21:3, 4.